నాటు డ్యాన్స్ తో నరాలు తెంచేస్తున్న శృతి

శృతి హాసన్ మరో బంపర్ హిట్ కొట్టేందుకు రెడీ అయిపోయింది. శ్రీమంతుడుకి వస్తున్న క్రేజ్ చూస్తుంటే... మహేష్ సినిమాల్లో ఇదే హైయెస్ట్ అని అర్ధమయిపోతోంది. హీరోయిన్ గా శృతిహాసన్ కి ఇఫ్పుడు సూపర్ ఫాంలో ఉంది. ఇది కూడా సినిమా సక్సెస్ లో కీలక పాత్ర పోషించనుంది. ముఖ్యంగా అమ్మడు నాటు డ్యాన్స్ లు వేస్తే ఎలా ఉంటుందో ఇప్పటికే చూపించింది కదా రేసుగుర్రంలో.

సినిమా చూపిస్త మామా అంటూ... రేసుగుర్రంలో ఆడిన శృతి హాసన్... ఇప్పుడు దిమ్మ తిరిగే అంటూ స్టెప్పులేసి, నిజంగానే జనాలకు దిమ్మతిరిగేలా చేస్తోంది. అంతకు ముందు ఆగడులో కూడా శృతి చేసిన ఐటెం నెంబర్ కేకలు పెట్టించింది. సినిమా బోర్లా పడ్డా... ఈ సాంగ్ మాత్రం ఇంకా జనాల కళ్లలో మెదుల్తూనే ఉంది. అంతగా మాస్ సాంగ్స్ కి రెచ్చిపోతుంది శృతి. హీరోయిన్ గా మహేష్ నెక్స్ట్ మూవీలో ఆఫర్ ఇస్తారనే కమిట్మెంట్ తోనే.. ఈ ఐటెం సాంగ్ కి ఒప్పకుందని... అప్పట్లో వార్తలొచ్చాయి కూడా.

మరోవైపు చారుశీల అంటూ మహేష్ పిలుస్తుంటే... మెలికలు తిరిగింది చూడండి. ట్రైలర్ లో చూస్తేనే... శృతి డ్యాన్సులు చూస్తే మతులు పోతుంటే.... ఇక సినిమాలో పూర్తి సాంగ్స్ చూస్తే... జనాల పరిస్థితి ఏంటో. శ్రీమంతుడు రిలీజ్ కి ఇంకా గంటల సమయమే మిగిలి ఉంది. మహేష్ చేసే మాయలు, శృతి పోయే హొయలు చేసేందుకు రెడీగా ఉండండి ఫ్యాన్స్.