ప్రియుడి బుగ్గ గిల్లుతూ.. త‌ల‌పై త‌బ‌లా ఆడుతూ శ్రుతీ స‌ర‌దాలు

అందాల క‌థానాయిక‌ శృతి హాస‌న్ కొత్త బాయ్ ఫ్రెండ్ తో కొత్త ప్ర‌యాణం మొద‌లు పెట్టిన సంగ‌తి తెలిసిందే. గౌహ‌తి(అస్సామ్)కి చెందిన డూడుల్ ఆర్టిస్ట్ శంత‌ను హ‌జారికాతో డీప్ ల‌వ్ లో ఉన్న‌ట్లు ఇప్ప‌టికే మీడియా క‌థ‌నాలు వేడెక్కించాయి. అయితే ప్రేమాయ‌ణం విష‌యంలో ఈ జంట ఇంకా బ‌య‌ట‌ప‌డ‌లేదు. మైఖెల్ కోర్స‌లే విష‌యంలో జ‌రిగిన త‌ప్పిదాలు జ‌ర‌గ‌కుండా శ్రుతి ఇటీవ‌ల ఎంతో జాగ్ర‌త్త ప‌డుతోంది. ఫ‌స్ట్ ల‌వ్ విష‌యంలో ప్రియుడి గురించి ముందే బ‌హిర్గంతం చేసిన శృతి ఈసారి మాత్రం ఆ ఛాయిస్ ఇవ్వ‌డం లేదు. ప్ర‌తీది సీక్రెట్ గానే మెయింటెన్ చేయ‌డం యువ‌తరంలో చర్చ‌కు వ‌చ్చింది.

హ‌జారికాతో స్నేహాన్ని దాచ‌కుండానే సోష‌ల్ మీడియాల్లో ఎంతో జాగ్ర‌త్త‌ప‌డుతోంది శ్రుతి. తాజాగా శృతి హాస‌న్ హ‌జారికాతో దిగిన కొన్ని ఫోటోల‌ను ఇన్ స్టా వేదిక‌గా పంచుకుంది. అత‌డితో అత్యంత స‌న్నిహితంగా మెలుగుతున్న ఫోటోలివి. ప్రియుడి బుగ్గ‌ల్ని నిమురుతూ...త‌ల‌పై మ‌ర్ధ‌న చేస్తూ శ్రుతి స‌ర‌దా ఆట‌లు ఆట‌లాడుతోంది. ప్ర‌స్తుతం ఈ ఫోటోలు సోష‌ల్ మీడియాలో వైర‌ల్ గా మారాయి.

ప్ర‌స్తుతం ప‌ర్స‌న‌ల్ లైఫ్ ని.. వృత్తిగ‌త జీవితాన్ని రెండింటినీ శ్రుతి బ్యాలెన్స్ చేస్తోంది. టాలీవుడ్- కోలీవుడ్ లో సినిమాలు చేస్తూనే ఖాళీ స‌మ‌యాన్ని ప్రియుడితో గడుపుతోంది. క్రాక్ సినిమాతో తెలుగులో ఫామ్ లో కి వ‌చ్చిన శ్రుతి ఇటీవ‌లే వ‌కీల్ సాబ్ లాంటి బ్లాక్ బ‌స్ట‌ర్ లోనూ న‌టించిన సంగ‌తి తెలిసిందే. ప్ర‌స్తుతం ప్ర‌భాస్ క‌థానాయ‌కుడిగా ప్ర‌శాంత్ నీల్ ద‌ర్శ‌క‌త్వంలో తెర‌కెక్కుతోన్న భారీ పాన్ ఇండియా చిత్రం స‌లార్ లో న‌టిస్తోంది.