స‌లార్ సెట్లో శ్రుతికి ప్ర‌భాస్ ఆతిథ్యం అందిందా?

డార్లింగ్ ప్ర‌భాస్ బ్యాక్ టు బ్యాక్ సినిమాల‌తో బిజీగా ఉన్న సంగ‌తి తెలిసిందే. స‌లార్- ఆదిపురుష్ 3డి చిత్రాలు సెట్స్ పై ఉన్నాయి. సెకండ్ వేవ్ వ‌ల్ల ప్ర‌స్తుతానికి చిత్రీక‌ర‌ణ‌లు నిలిచిపోయాయి. అయితే ఇప్ప‌టికే స‌లార్ కి సంబంధించిన కొన్ని కీల‌క స‌న్నివేశాల్ని ప్ర‌శాంత్ నీల్ బృందం తెర‌కెక్కించింది. ప్ర‌భాస్ - శ్రుతి జంట స‌లార్ సెట్లో క‌లుసుకున్నారు. చిత్రీక‌ర‌ణ‌లోనూ పాల్గొన్నారు.

అయితే ప్ర‌భాస్ నుంచి శ్రుతికి ఎప్ప‌టిలానే విందు భోజ‌నంతో క్యారేజీ అందిందా? అంటూ అభిమానులు ఆరాలు తీస్తున్నారు. సాహో సెట్లో ఉన్న‌ప్పుడు శ్ర‌ద్ధా కపూర్ కి .. రాధేశ్యామ్ సెట్లో ఉన్న‌ప్పుడు పూజా హెగ్డేకి ప్ర‌భాస్ నుంచి క్యారేజీలు అందాయి. వెరైటీ వంట‌కాల‌తో విందు భోజ‌నం రుచి చూసిన స‌ద‌రు క‌థానాయిక‌లు ప్ర‌భాస్ ఆతిథ్యానికి మురిసిపోయారు. ఒక పాన్ ఇండియా స్టార్ అయినా అత‌డి సింప్లిసిటీ విన‌యవిధేయ‌త‌ల‌కు కాంప్లిమెంట్స్ ఇచ్చారు.

అయితే శ్రుతిహాస‌న్ కి ఇప్ప‌టివ‌ర‌కూ ఆ ఆతిథ్యం అందుకునే భాగ్యం ద‌క్క‌లేదు. దానికి కార‌ణం కూడా త‌నే చెప్పింది. సెట్లో ఉన్న స‌మ‌యంలో ప్ర‌భాస్ నేను డైట్ లో ఉన్నాం. అందువ‌ల్ల క్యారేజీ రుచి చూసే అవ‌కాశం రాలేద‌ని శ్రుతి వెల్ల‌డించారు. ప్ర‌భాస్ ప‌రిశుద్ధ‌మైన మ‌న‌సు ఉన్న స్టార్ .. పైగా ఎంతో విన‌య‌విధేయ‌త‌ల‌తో ఉంటార‌ని శ్రుతి కాంప్లిమెంట్ ఇచ్చారు. అత‌డి డార్లింగ్ యాటిట్యూడ్ పైనా ప్ర‌శంస‌లు కురిపించారు. ప్ర‌భాస్ తాను సాధించిన విజయంతో చాలా సౌకర్యంగా ఉన్నాడని అతను ఎవరో చాలా సౌకర్యంగా ఉందని ఆమె అన్నారు.

ప్రభాస్ వ‌ల్ల సెట్స్ లో ఎన‌ర్జీ ఉంటుంది.. అది గొప్ప బోన‌స్!! అని కూడా శ్రుతి వ్యాఖ్యానించారు. శ్రుతిహాస‌న్ ఈ చిత్రంలో జ‌ర్న‌లిస్టుగా న‌టిస్తుండ‌గా.. ప్ర‌భాస్ ఒక మెకానిక్ గా న‌టిస్తున్నారు. మైనింగ్ ప‌రిశ్ర‌మ మాఫియాకు.. బ‌డా నాయ‌కులకు ఎదురు వెళ్లాక ఏం జ‌రిగింద‌న్న‌దే ఈ సినిమా క‌థాంశం అని గుస‌గుస‌లు వినిపిస్తున్నాయి.