కోలీవుడ్ కంటే టాలీవుడ్ శ్రుతి ప్రాధాన్య‌త‌?

చాలా గ్యాప్ త‌ర్వాత తిరిగి క‌థానాయిక‌గా రీఎంట్రీ ఇచ్చింది శ్రుతిహాస‌న్. మైఖేల్ కోర్స‌లేతో ల‌వ్ ఫెయిల్యూర్ అనంత‌రం డీప్ గా విచారంలో ఉండిపోయిన శ్రుతి చాలా గ్యాప్ తీసుకుంది. తిరిగి త‌న‌ను తాను రీఎన‌లైజ్ చేసుకున్న అనంత‌రం క‌థానాయిక‌గా పునఃప్ర‌వేశంపై ఆలోచించింది. ఎట్ట‌కేల‌కు తెలుగులో శ్రుతిహాస‌న్ కంబ్యాక్ అదిరింది. క్రాక్ - వ‌కీల్ సాబ్ చిత్రాల‌తో బ్లాక్ బ‌స్ట‌ర్ ఎంట్రీ ఇచ్చింది.

కానీ త‌న మాతృప‌రిశ్ర‌మ కోలీవుడ్ లో రీఎంట్రీ ఇచ్చేందుకు మాత్రం నాలుగేళ్లు ప‌ట్టింది ఈ బ్యూటీకి. తొలిగా తెలుగులో త‌న రెండు సినిమాలు రిలీజ‌య్యాకే ఇప్పుడు కోలీవుడ్ మూవీ రిలీజ్ కి వ‌స్తోంది. కెరీర్ లో మూడేళ్ల సుదీర్ఘ విరామం తర్వాత శృతి హాసన్ తెలుగులో క్రాక్ - తమిళంలో లాభ‌మ్ చిత్రాల‌కు సంతకాలు చేసింది. ఈ సంవత్సరం జనవరిలో క్రాక్ విడుదలై విజయం సాధించింది. లాభం వచ్చే వారం ప్రేక్షకుల ముందుకు రాబోతోంది. లాభ‌మ్ తో 4 సంవత్సరాల తర్వాత శృతి హాసన్ కోలీవుడ్ లోకి తిరిగి వస్తోంది. ఆమె చివరి తమిళ చిత్రం సూర్య ప్రధాన పాత్రలో నటించిన `సింగం 3`. ఈ సినిమా విడుదలైన తర్వాత శ్రుతి తన దృష్టిని మ్యూజిక్ బ్యాండ్ కెరీర్ పైకి మార్చాలని నిర్ణయించుకుంది.

విజయ్ సేతుపతి క‌థానాయ‌కుడిగా న‌టించిన లాభ‌మ్ లో శ్రుతి పాత్ర న‌ట‌న‌కు స్కోప్ ఉన్న‌దేన‌ని తెలుస్తోంది. ఈ సినిమా సెప్టెంబర్ 9 న ప్రేక్షకుల ముందుకు రానుంది. గ్రామీణ డ్రామా క‌థాంశ‌మిది. శృతి హాసన్ ఈ సినిమాలో ఆసక్తికరమైన పాత్రలో కనిపించనుంది. 7Cs ఎంటర్ టైన్ మెంట్- పెరన్మై - అయ్యార్కై ఫేమ్ SP జననాథన్ ఈ చిత్రాన్ని నిర్మించారు. జగపతి బాబు- కలైయరసన్- డేని-ధన్సిక కూడా ఈ చిత్రంలో కీలక పాత్రలు పోషిస్తున్నారు. తెలుగులో రీఎంట్రీ అదిరింది. ఇప్పుడు కోలీవుడ్ రీఎంట్రీ ఎలా ఉండ‌నుందో వేచి చూడాలి.