లండన్ మార్కెట్లో కూరలు కొంటోందట

స్టార్ డాటర్ గా సినిమాల్లోకి ఎంట్రీ ఇచ్చినా సొంత కష్టంతో తనదైన గుర్తింపు తెచ్చుకుంది శృతి హాసన్. నార్త్ లో ఫస్ట్ నటించిన లక్ సినిమా పెద్దగా వర్కవుట్ అవకపోవడంతో మళ్లీ సౌత్ కు వచ్చి లక్ పరీక్షించుకుంది. మొదట్లో ఎదురుదెబ్బలు తిన్నా పవర్ స్టార్ పవన్ కళ్యాణ్ పక్కన నటించిన గబ్బర్ సింగ్ హిట్ తో ఒక్కసారిగా దూసుకెళ్లింది. తర్వాత హిందీలోనూ మంచి అవకాశాలే రావడంతో సౌత్ పై ఫోకస్ తగ్గించింది.

లండన్ కు చెందిన యాక్టర్ మైఖేల్ కార్సేల్ తో శృతిహాసన్ డేటింగ్ చేస్తోందనేది బాలీవుడ్ లో చక్కర్లు కొడుతున్న న్యూస్. దీనికితోడు ఈ మధ్య షూటింగ్ పన్లేవీ లేకపోవడంతో ఎగురుకుంటూ వెళ్లి లండన్ లో వాలిపోయింది. అక్కడకు వెళ్లిన తర్వాత అడపాదడపా ఫొటోలను ఇన్ స్టాగ్రామ్ లో షేర్ చే్స్తోంది. ఈ మధ్యనే లో ఓ బొమ్మ కారు నడుపుతున్నట్టుగా సెక్సీ లుక్స్ లో ఫోజులిచ్చింది. తాజాగా లండన్ మార్కెట్ లో షాపింగ్ కు వెళ్లి ఆ ఫొటో ఇన్ స్టాగ్రామ్ లో పెట్టింది. అక్కడ దొరికే వెరైటీ ఫ్రూట్స్ - వెజిటబుల్స్ అన్నింటిని ప్రత్యేకంగా ఫొటో తీసి షేర్ చేసింది. మైడే ఎట్ మార్కెట్ అంటూ వీటి షాపింగ్ తో ఓ రోజు హ్యాపీగా గడించిదంటూ ఆనందం పంచుకుంది.

అప్పుడెప్పుడో విశాల్ తో కలిసి నటించిన పూజ సినిమాలో శృతి హాసన్ కూరగాయల మార్కెట్ ఏరియాలో షూటింగ్ చేసింది. ఆ తర్వాత మార్కెట్ కు వెళ్లాల్సిన అవసరం ఉన్న రోల్ ఆమెకు రాలేదు. అందుకే ప్రస్తుత వెకేషన్ లో తాను పెద్దగా వెళ్లని కూరగాయల మార్కెట్ ఎంచుకున్నట్టుంది. ప్రస్తుతం శృతిహాసన్ హిందీలో విద్యుత్ జమాల్ తో కలిసి నటిస్తోంది. తండ్రి కమల్ హాసన్ తో నటించిన శభాష్ నాయుడు ఇంకా పూర్తవ్వలేదు.