ప్రభాస్ తో యమా కంఫర్ట్ గా ఉందిః శృతిహాస‌న్‌

శృతిహాస‌న్ టాలెంట్ గురించి కొత్త‌గా చెప్పాల్సిన ప‌నిలేదు. కేవ‌లం న‌టి మాత్ర‌మే కాదు.. అద్భుత‌మైన సింగర్ కూడా! అంతేకాదు.. మంచి ర‌చ‌యిత కూడా! ఈ విధంగా మ‌ల్టీ టాలెండ్ అయిన శృతి.. అది నిరూపించుకోవ‌డానికి మాత్రం కాస్త టైమ్ ప‌ట్టింది. తెలుగులో గ‌బ్బ‌ర్ సింగ్ తో బ్లాక్ బ‌స్ట‌ర్ హిట్ కొట్టిన శృతి.. ఇక వెనుదిరిగి చూడాల్సిన వ‌స‌రం రాలేదు.

ప్ర‌స్తుతం యంగ్ రెబ‌ల్ స్టార్ స‌ర‌స‌న ‘స‌లార్‌’ చిత్రంలో నటిస్తోందీ బ్యూటీ. తాజాగా.. కింగ్ సలార్ గురించి మాట్లాడిందీ క్వీన్. దగ్గర్నుంచి తాను పరిశీలించిన ప్రభాస్ వ్యక్తిత్వం గురించి కూడా ఫ్యాన్స్ తో షేర్ చేసుకుంది. సెట్లో ఎలా ఉంటాడు? ఆయ‌న ప్ర‌వ‌ర్త‌న ఎలా ఉంటుంది? అనే ఇంట్ర‌స్టింగ్ విష‌యాల‌పై త‌న అభిప్రాయం వెల్ల‌డించింది.

సెట్లో ప్ర‌భాస్ చాలా కూల్ గా ఉంటాడ‌ని చెప్పింది శృతి. అంతేకాదు.. అంద‌రితోనూ చాలా ప్రేమ‌గా, ఆప్యాయంగా మాట్లాడ‌తార‌ని తెలిపింది. ఆయ‌న స్టార్ అనే ఫీలింగ్ ను ఏ మాత్రం ప్ర‌ద‌ర్శించ‌బోడ‌ని చెప్పిన బ్యూటీ.. అత‌ను లొకేష‌న్లో ఉన్నంత సేపు సంద‌డిగా ఉంటుంద‌ని చెప్పింది.

అస‌లు ప్ర‌భాస్ అలా ఉంటాడ‌నే విష‌యాన్ని తాను ఊహించ‌లేద‌ని చెప్పుకొచ్చింది శృతి. ఆయ‌న‌తో న‌టించ‌డం ఎవ్వ‌రికైనా చాలా కంఫ‌ర్ట్ గా ఉంటుంద‌ని తెలిపింది. కేజీఎఫ్ డైరెక్ట‌ర్ ప్ర‌శాంత్ నీల్ ఈ చిత్రాన్ని తెర‌కెక్కిస్తున్న విష‌యం తెలిసిందే.