లండన్లో తన గొంతును శృతి చేసింది

శృతి హాసన్ జస్ట్ నటి మాత్రమే కాదు.. మంచి సింగర్ కూడా. ఇప్పటికే కొన్ని సినిమాల్లో పాటలు కూడా పాడింది. ఇవన్నీ పక్కనపెడితే ఒక ప్రొఫెషనల్ సింగర్ లా రీసెంట్ గా లండన్ లో పెర్ఫార్మన్స్ ఇచ్చింది. సోమవారం నాడు లండన్ లోని NED హోటల్ లో న్యూ మ్యూజిక్ మండే లో భాగంగా శృతి సింగర్ అవతారంలో అక్కడి అతిథులను అలరించింది.

పవర్ స్టూడియో పేరుతో మ్యూజిక్ షోస్ ప్రొడ్యూసర్ బెన్నీ డీ ఈ షో ను ఆర్గనైజ్ చేయడం జరిగిందట. ఈయనకు బాయ్ జార్జ్ - కైలీ మినోగ్ - ది కిల్లర్స్ - లిలి అలెన్ - రాబీ విలియమ్స్ లాంటి వారితో ఇదివరకూ పని చేసిన అనుభవం ఉంది. ఇక ఈ షో లో పాల్గొనడం గురించి శృతి మాట్లాడుతూ ఇదొక అద్భుతమైన అనుభవమని.. చాలా రోజుల తర్వాత స్టేజ్ పై పెర్ఫామ్ చేయడం చాలా సంతోషాన్నిచ్చిందని తెలిపింది.

ఒరిజినల్ సింగిల్స్ తో పాటుగా ఇతరులతో కలిసి పని చేసే మ్యూజిక్ ఆల్బమ్స్ పై కూడా ప్రస్తుతం వర్క్ చేస్తున్నానని తెలిపింది. తన షో జరిగిన సెట్ మాడరన్ ట్రెండ్ ఉన్న వెస్ట్.. మ్యాజికల్ ఈస్ట్ ను కలిపితే వచ్చే రేర్ స్టయిల్ లో ఉందని.. ప్రేక్షకుల రెస్పాన్స్ కూడా చాలా బాగుందని తెలిపింది. ఇకపై మరిన్ని మ్యూజిక్ షోస్ లో పాల్గొంటానని కూడా చెప్పింది. ఇదిలా ఉంటే మహేష్ మంజ్రేకర్ దర్శకత్వంలో తెరకెక్కనున్న సినిమా లో నటించేందుకు ఈ వారంలో ఇండియాకు తిరిగి వస్తుందట.