అన్నీ తెలిసే ఆ సినిమాలు చేశానంటున్న శృతిహాసన్

సంక్రాంతి సందర్భంగా విడుదలైన రెండు సినిమాల్లోనూ శృతిహాసన్ హీరోయిన్ గా నటించడం విశేషం. బాలకృష్ణ హీరోగా నటించిన వీర సింహారెడ్డి సినిమాలో, అదే విధంగా మెగాస్టార్ చిరంజీవి హీరోగా నటించిన వాల్తేరు వేరే సినిమాల్లోనూ శృతిహాసన్ హీరోయిన్ గా నటించారు. రెండు సినిమాల్లోనూ ఆమె పాత్రకు పెద్దగా ప్రాధాన్యత దక్కలేదు. ఏదో హీరోయిన్ ఉంది అంటే ఉంది. ఇక సినిమాలోని పాటల్లో డాన్స్ లలో కనిపించిందన్నట్లుగా. ఆమె పాత్ర సాగింది. అయితే ఇదంతా తెలిసే తాను సినిమాలు చేశానని అంటోంది శృతిహాసన్.

తాజాగా ఒక ఇంటర్వ్యూలో ఈ విషయం మీద మాట్లాడిన ఆమె... తన తండ్రి సమకాలికులైన మెగాస్టార్ చిరంజీవి, నందమూరి బాలకృష్ణలతో కలిసి సినిమాలు చేయడానికి గల అసలు కారణం నేను పెద్ద సినిమాలు సైన్ చేయాలి అనుకోవడమేనని చెప్పుకొచ్చారు.

వీరసింహ రెడ్డి, వాల్తేరు వీరయ్య సినిమాలలో నా పాత్ర చిన్నదే అని కేవలం సాంగ్స్ వరకే పరిమితం అవుతానని తెలిసినా... అందుకే సినిమాలు సైన్ చేశానని ఆమె చెప్పుకొచ్చింది.

ఒకరకంగా 2019లో శృతిహాసన్ క్రాక్ సినిమా సైన్ చేసింది. అది 2021 లో రిలీజ్ అయింది. ఆ తర్వాత ఆమెకు ఒక్క తెలుగు సినిమా అవకాశం కూడా రాలేదు. గోపీచంద్ మలినేని మళ్లీ పిలిచి బాలకృష్ణ పక్కన నటించమని అడగడంతో పెద్ద సినిమానే కదా అని ఆమె ఒప్పుకుందట. తర్వాత వాల్తేరు వీరయ్యలో కూడా అదే ధైర్యంతో హీరోయిన్ గా నటించడానికి ఒప్పుకున్నట్లు తెలుస్తోంది.

వాస్తవానికి అందరూ అనుకుంటున్నట్లుగా చిరంజీవి, బాలకృష్ణ వయసుతో కూడా తాను ఇబ్బంది పడలేదని ఎందుకంటే వారి పక్కన నేను కరెక్ట్ గా సూట్ అవుతానని మా దర్శకులు భావిస్తే... ఇంకా టెన్షన్ నాకెందుకు.? మా జోడి బాగుందో లేదో చూసుకోవడం వారి వంతు. ఒక నటిగా నాకు ఇచ్చిన పాత్రలో నటించడం నా వంతు. ఆ విషయాలేవీ నేను ఆలోచించలేదు అంటూ అని చెప్పుకొచ్చింది.

ప్రస్తుతానికి శృతిహాసన్ చేతిలో సలార్ అనే ప్రాజెక్టు ఉంది. ఈ ప్రాజెక్టుతో మళ్ళీ బాలీవుడ్ లో బిజీ అవ్వచ్చని ఆ భామ లెక్కలు వేసుకుంటుంది. చూడాలి ఏం జరగబోతుంది అనేది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.