చైతూని మాయ చేసే శ్రుతిని చూస్తారా?

అప్పుడే నిద్ర లేచినట్లుంది శ్రుతి హాసన్. టీషర్ట్ - నైట్ ట్రాక్ లో సింపుల్ అవతారంలో చకచకా నడుచుకుంటూ కారవాన్ వైపు వెళ్తోంది. లోపలికెళ్లాక శ్రుతి ఎలా తయారై వస్తుందో అక్కడి యూనిట్ సభ్యులందరికీ తెలుసు. వెళ్లేప్పుడు శ్రుతినే కానీ.. వచ్చేప్పుడు మాత్రం తన స్టూడెంటుని ప్రేమ మైకంలో పడేసే లెక్చరర్ అయిపోతుంది. కాటన్ చీరలో పుస్తకాలు పట్టుకుని లెక్చరర్ దేవత నడిచొస్తుంటే మజ్ను ఆమె మాయలో పడక ఇంకే చేస్తాడు మరి?

ఈ మధ్యే మొదలైన ‘ప్రేమమ్’ రీమేక్ ‘మజ్ను’ షూటింగ్ శరవేగంగా సాగిపోతోంది. పక్కా స్క్రిప్టుతో రంగంలోకి దిగిన చందూ మొండేటి జెట్ స్పీడుతో సినిమాను పూర్తి చేసేస్తున్నాడు. ఇప్పటికే ‘మజ్ను’కు సంబంధించిన లీక్డ్ పిక్స్ సోషల్ మీడియాలో హాట్ టాపిక్ అవుతున్నాయి. రఫ్ లుక్ లో చైతూ.. కాటన్ చీరల్లో శ్రుతి.. ఈజీగా జనాలకు కనెక్టయిపోయారు. ఇప్పుడు శ్రుతి క్యాజువల్ లుక్ కూడా అలాగే ఆకట్టుకుంటోంది. ఇప్పటికే శ్రుతి-చైతూ పార్ట్ కు సంబంధించి చాలా వరకు షూటింగ్ పూర్తయిందట. మార్చికల్లా సినిమాను పూర్తి చేసి సమ్మర్ సందడికి ‘మజ్ను’ను తయారుగా ఉంచాలని ప్లాన్ చేస్తున్నారు.