భాగ్య‌ల‌క్ష్మి డ‌బుల్ ధ‌మాకా ట్రీట్

గ‌త నాలుళ్లుగా భాగ్య‌లక్ష్మికి ఏమైంది? అభిమానుల‌పై ఎందుకింత‌గా అల‌క‌బూనింది? అంటూ ఒక‌టే ఆస‌క్తిక‌ర చ‌ర్చ సాగుతున్న సంగ‌తి తెలిసిందే. అందాల శ్రుతిహాస‌న్ న‌ట‌న‌ను విర‌మించుకుని పూర్తిగా మ్యూజిక్ బ్యాండ్ పెట్టుకుని విదేశాల్లో సెటిలైపోయేందుకు చూస్తోందంటూ ఓ వైపు ప్ర‌చారం సాగుతూనే ఉంది. అయితే అన్నిర‌కాల ప్ర‌చారాల‌కు తెర దించి నిన్న‌గాక మొన్న ఓ కొత్త సినిమా ప్రారంభోత్స‌వంలో మెరుపులు మెరిపించి సందేహాల‌న్నిటికీ చెక్ పెట్టింది. విజ‌య్ సేతుప‌తి లాంటి స్టార్ స‌ర‌స‌న ల‌క్కీ ఛాన్స్ కొట్టేసింది భాగ్య‌ల‌క్ష్మి. త‌మిళ‌నాట సేనాప‌తి అంత‌టి వాడిగా పాపుల‌రైన విల‌క్ష‌ణ న‌టుడు విజ‌య్ సేతుప‌తితో ఛాన్స్ ద‌క్కించుకుంది. ఈ ఆఫ‌ర్ తో శ్రుతిలో నూత‌నోత్సాహం క‌నిపిస్తోంది. ఈ ఉత్సాహంలో సామాజిక మాధ్య‌మాల్లోనూ జోరు పెంచింది అమ్మ‌డు.

తాజాగా ఓ త్రోబ్యాక్ ఫోటోని ఇన్ స్టాగ్ర‌మ్ లో అభిమానుల‌కు షేర్ చేసింది. చాన్నాళ్ల క్రితం పాపుల‌రైన ఓ ఫోటోషూట్ నుంచి స్ట‌న్నింగ్ అనిపించే ఓ డ్యూయ‌ల్ లుక్ ఫోటోని తీసి అభిమానుల ముందుకు విసిరింది. ఫోటో ఒక‌టే .. కానీ ఇద్ద‌రు శ్రుతిహాస‌న్ లు డ‌బుల్ ధ‌మాకా ట్రీట్ ఇవ్వ‌డంతో అభిమానులు ఈ ఫోటోని జోరుగా వైర‌ల్ చేస్తున్నారు. దీనికి ఆస‌క్తిక‌ర‌మైన కామెంట్లు రువ్వుతున్నారు ఫ్యాన్స్.

``ల‌వ్ యువ‌ర్ సెల్ఫ్‌.. ఇంకెవ‌రూ అంత‌కంటే బెట‌ర్ గా ప్రేమించ‌రు`` అంటూ శ్రుతి ఈ ఫోటోకి క్యాప్ష‌న్ ఇచ్చింది. వైట్ & బ్లాక్ కాంబినేష‌న్ ట్విన్ లుక్ కి స‌రిప‌డే ఆస‌క్తిక‌ర క్యాప్ష‌న్ ఇది. అయితే ఈ ఫోటో చూశాక ఓ అభిమాని.. నీకు నువ్వే పోటీ మ్యామ్! అంటూ కామెంట్ ని పోస్ట్ చేశాడు. వేరొక అభిమాని అయితే మీ నోరు పిల్లి నోరులా క్యూట్ గా ఉంటుంది! అంటూ ఫ‌న్నీ కామెంట్ తో వేడి పెంచాడు. మొత్తానికి శ్రుతి ఒకే ఒక్క ఫోటోతో బోయ్స్ ని త‌న‌వైపు తిప్పేసుకుంది. భాగ్య‌ల‌క్ష్మి రైజింగ్ ఎగైన్ అని భావించాల్సి ఉంటుంది. మునుముందు టాలీవుడ్ లోకి శ్రుతి ఘ‌న‌మైన‌ రీఎంట్రీ ఇస్తుందేమో చూడాలి.