ఫొటోటాక్ : నీకు అక్కను అయినందుకు సంతోషం

మల్టీ ట్యాలెంటెడ్ శృతి హాసన్‌ కు సోదరి అయిన అక్షర హాసన్ కూడా నటిగా దర్శకురాలిగా తనకంటూ ఒక మంచి పేరును దక్కించుకునేందుకు ప్రయత్నాలు చేస్తోంది. ఈ అమ్మడు సోషల్‌ మీడియాలో చాలా పాపులర్ అనే విషయం తెల్సిందే. అక్షర హాసన్‌ హీరోయిన్ గా సినిమాలు చేసేందుకు సిద్దం అవుతోంది. ఇప్పటికే ఆమె కొన్ని సినిమాలు చేసింది. ఆమె కూడా అక్క మాదిరిగా మల్టీ ట్యాలెంట్‌ అనిపించుకునేందుకు ప్రయత్నాలు చేస్తోంది. తనపై తండ్రి కమల్‌ హాసన్ ముద్ర ఉండకూడదు అని ఆమె కోరుకుంటుంది. అందుకే తన ప్రతిభ ఆధారంగానే ఆఫర్లు రావాలని కోరుకుంటూ ఉంది. నేడు అక్షర హాసన్‌ పుట్టిన రోజు. ఈ సందర్బంగా శృతి హాసన్ షేర్ చేసిన ఫొటో లు వైరల్‌ అవుతున్నాయి.

తండ్రి కమల్‌ హాసన్ తో కలిసి క్యూట్‌ ఫోజ్ ఇచ్చిన శృతి హాసన్ మరియు అక్షర హాసన్ లు నెట్టింట అందరి దృష్టిని ఆకర్షిస్తున్నారు. ఈ ఫొటోను షేర్ చేసిన శృతి హాసన్‌ చెల్లిపై తన ప్రేమను ప్రదర్శించింది. నీవు నా డార్లింగ్.. నీవు చేసే ప్రతి ఒక్క పనికి నేను ఎగ్జైట్‌ గా ఉంటాను. నీకు అక్కను అయినందుకు నేను అదృష్టవంతురాలిని.. నాకు చాలా సంతోషంగా ఉందంటూ శృతి హాసన్ చెప్పుకొచ్చింది. సోషల్‌ మీడియాలో చెల్లి అక్షర హాసన్‌ గురించి శృతి హాసన్ చేసిన పోస్ట్‌ నిజంగా ఆమె కు చెల్లిపై ఉన్న ప్రేమను చూపిస్తుంది అంటూ నెటిజన్స్ కామెంట్స్ చేస్తున్నారు. శృతి హాసన్‌ తన చెల్లి అక్షర గురించి ఎక్కువగా ఆలోచిస్తుందనే విషయం దీంతో మళ్లీ నిరూపితం అయ్యింది.

ఇక శృతి హాసన్ హీరోయిన్ గా వరుసగా సినిమాలు చేస్తోంది. తెలుగు లో సలార్ ను చేస్తున్న శృతి హాసన్ హిందీలో పలు సినిమాలు మరియు వెబ్‌ సిరీస్ ల్లో కూడా నటిస్తోంది. ఇక తమిళంలో కూడా ఈమె ఒక స్టార్ హీరోకు జోడీగా నటించే అవకాశం దక్కించుకుందనే వార్తలు వస్తున్నాయి. ప్రశాంత్‌ నీల్‌ దర్శకత్వంలో ప్రభాస్‌ హీరోగా రూపొందుతున్న సలార్‌ సినిమా లో శృతి హాసన్ నటిస్తున్న నేపథ్యంలో పాన్ ఇండియా స్టార్‌ హీరోయిన్‌ గా ఈ అమ్మడికి ఆఫర్లు దక్కడం ఖాయం అంటూ ఇండస్ట్రీ వర్గాల వారు అభిప్రాయం వ్యక్తం చేస్తున్నారు. సలార్‌ తర్వాత శృతి హాసన్ పాన్ ఇండియా సినిమాలకు మోస్ట్‌ వాంటెడ్‌ గా మారుతుందేమో చూడాలి.