'అయ్యో'.. ఇవన్నీ శృతి ఇష్టాలే

దేశవ్యాప్తంగా ఇప్పుడు శృతి హానస్ కి మంచి క్రేజ్ ఏర్పడింది. ఒకే ఏడాది మూడు భాషల్లో వంద కోట్ల కలెక్షన్స్ సాధించిన సినిమాలో హీరోయిన్ గా నటించి కొత్త రికార్డ్ సృష్టించడమే కాదు.. అంతకంతకూ తన స్థాయిని పెంచుకుంటూ పోతోంది ఈ అమ్మడు. మరి ఈ అమ్మడి పర్సనల్ ఇష్టాలు ఎలా ఉంటాయో తెలుసా?

ఈ భామ అసలు పేరు శృతి రాజ్యలక్ష్మి హాసన్. ఇంట్లో అందరూ శృతి అని పిలుస్తారు. కష్టపడి పనిచేయడమే తన బలి అని చెబుతుంది. రుచిగా ఉండే పదార్ధాలను వదిలిపెట్టకుండా తినేయడం తన బలహీనత. భక్తి మాత్రం చాలా ఎక్కువ. రోజుకు రెండు సార్లయినా దేవుడిని తలుచుకోకుండా ఉండదు శృతి. భయం అంటే ఏంటో తెలీదట. తనే రౌడీ కాబట్టి భయం ఉండదట కానీ, పాములకు ఈమె రౌడీ అని తెలియదు కాబట్టి భయపెడుతూ ఉంటాయట. ఇక శృతి ఊతపదం ఏంటో తెలుసా.. అయ్యో.

పాటలు పాడ్డం - సంగీతం వినడం శృతి హాసన్ హ్యాబీస్. సైజ్ జీరో అనే పదమే గిట్టదట. టీవీలో షాపింగ్ చూస్తే ఒత్తిడి తగ్గుతుంది అంటోందీ భామ. తండ్రి నటించిన మహానది చాలా ఇష్టమైన సినిమా. జీన్స్ - టీ షర్టులతో పాటు చీరలన్నా కూడా చాలా ఇష్టం అని చెబుతోంది. బ్లూ - వైట్ కలర్స్ అంటే పడి చస్తానంటోంది. కబడ్డీ - క్రికెట్ అంటే ఇష్టమే కాదు.. ఆడేస్తుందట కూడా. క్రికెటర్స్ లో అయితే సచిన్ - ధోనీలు ఫ్యావరేట్స్. సాంబారు, చికెన్ తో బెండకాయ కూర బాగా ఇష్టం. ఇక శృతి హాసన్ కి నచ్చిన ప్లేస్ లయితే కాలిఫోర్నియా - చెన్నై. నీ ఫ్యావరేట్ యాక్టర్స్ ఎవరు అంటే మాత్రం కమల్ హాసన్ - రజినీకాంత్ - సారిక - శ్రీదేవి - రేఖ అంటూ పెద్ద లిస్టే చెప్పింది.