జూ.స‌ల్మాన్ స‌ర‌స‌న శ్రుతి?

అందాల క‌థానాయిక శ్రుతి హాస‌న్ విదేశీ బోయ్ ఫ్రెండ్ మైఖేల్ కోర్స‌లేతో ప్రేమాయ‌ణం గురించి తెలిసిందే. అటుపై శ్రుతి లైఫ్ లో స‌న్నివేశాలు సినిమా రీల్ లానే సాగాయి. ఈ జంట ముంబైలో స‌హ‌జీవ‌నం చేశార‌ని.. త్వ‌ర‌లోనే పెళ్లికి రెడీ అవుతున్నార‌ని అప్ప‌ట్లో వార్త‌లొచ్చాయి. కానీ అందుకు భిన్నంగా అనూహ్యంగా శ్రుతి బ్రేక‌ప్ వార్త‌లు అభిమానులకు షాకిచ్చాయి. మైఖేల్ తో ఎక్క‌డ చెడిందో కానీ శ్రుతి అత‌డికి దూర‌మైంది. ఆ త‌ర్వాత వ‌రుస‌గా సినిమాల‌కు సంత‌కాలు చేస్తూ కెరియ‌ర్ ప‌రంగా బిజీ అవుతోంది.

బోయ్ ఫ్రెండ్ తో బ్రేక‌ప్ అయ్యాక‌... విదేశాల్లో మ్యూజిక్ బ్యాండ్ పేరుతో బిజీ అయ్యింది. కొన్ని స్టేజీ షోలతో ర్యాప‌ర్ గా అద‌ర‌గొట్టింది. అలాగే ప‌లు భాష‌ల్లో సినిమాలకు సంత‌కం చేసింది. చిరంజీవి- కొర‌టాల సినిమా.. ర‌వితేజ నెక్ట్స్ సినిమాలకు శ్రుతి పేరు వినిపిస్తోంది. అలాగే త‌మిళంలో విజ‌య్ సేతుప‌తితో ఓ క్రేజీ చిత్రంలో న‌టిస్తోంది. ప్ర‌స్తుతం ఈ సినిమా సెట్స్ పై ఉన్నా మిగ‌తా రెండూ ప్రారంభం కావాల్సి ఉంది. ఈలోగానే బాలీవుడ్ యువ‌హీరో.. జూ.స‌ల్మాన్ వ‌రుణ్ ధావ‌న్ స‌ర‌స‌న ఈ బ్యూటీ అవ‌కాశం అందుకోవ‌డం ఆస‌క్తిక‌రం.

వ‌రుణ్ ధావ‌న్ తో క‌లిసి షూటింగ్ లో పాల్గొంటున్నాన‌ని ప్ర‌క‌టిస్తూ త‌న‌తో ఉన్న ఫోటోని సామాజిక మాధ్య‌మాల్లో షేర్ చేసింది. దీనికి ``షూటింగ్ విత్ దిస్ అబ్జ‌ల్యూట్ డార్లింగ్!`` అన్న క్యాప్ష‌న్ ఇచ్చింది. అయితే ఇది సినిమా కోస‌మా? లేక ఏదైనా వెబ్ సిరీస్ లేదా వాణిజ్య ప్ర‌క‌ట‌న కోస‌మా? అన్న సందేహాన్ని అభిమానులు సామాజిక మాధ్య‌మాల వేదిక‌గా వ్య‌క్తం చేస్తున్నారు. శ్రుతి ఇటీవ‌ల ఓ ఇంట‌ర్వ్యూలో స్వ‌యంగా మాట్లాడుతూ.. త‌మిళంలో లాభం (శివ‌కార్తికేయ‌న్) అనే చిత్రంలో న‌టిస్తున్నాన‌ని తెలిపారు. తెలుగులోనూ ఓ సినిమా త్వ‌ర‌లో ప్రారంభం కానుందన్నారు. మొత్తానికి క‌మ‌ల్ హాస‌న్ గారాల ప‌ట్టీ తిరిగి ట్రాక్ లోకొస్తోంది. శ్రుతిహాస‌న్ 2.0 రీలోడెడ్.. రీబూటెడ్ అని చెప్పొచ్చు.