నితిన్‌.. శృతి.. గల్లంతయ్యిందే!!

ఇప్పుడు అ..ఆ సినిమాతో పెద్ద స్కెచ్‌ వేసిన నితిన్‌.. ఈసారి తదుపరి సినిమాతో ఇంకా పెద్ద స్కెచ్‌ వేస్తున్నాడు. మొన్నటివరకు కొత్త డైరక్టర్‌ తో సినిమా చేస్తాడని అనుకుంటే.. ఇప్పుడు నితిన్‌ మాత్రం తనతో ఆల్రెడీ పనిచేసిన డైరక్టర్‌ కే ఛాన్సిచ్చే యోచనలో ఉన్నాడు.

నిజానికి ఇద్దరు కొత్త డైరక్టర్లతో సినిమా అనుకున్న తరువాత.. దానిని ఆపేశాడు నితిన్‌. అప్పుడే త్రివిక్రమ్‌ అ..ఆ సినిమా ప్లాన్‌ చెప్పాడు. వెంటనే మనోడు రంగంలోకి దిగిపోయాడు. ఆ సినిమా ఎలాగో రిలీజ్‌ కు రెడీ అయిపోయింది కాబట్టి.. మనోడు నెక్ట్స్ ప్రాజెక్టు గురించి కసరత్తులు బిగిన్‌ చేశాడు. గతంలో తనకు ''గుండెజారి గల్లంతయ్యిందే'' సినిమాతో మాంచి హిట్టు అందించిన దర్శకుడు విజయ్‌ కుమార్‌ కొండా డైరక్షన్‌ లో ఇప్పుడు మనోడు తదుపరి సినిమా చేస్తాడట. అయితే ఈ సినిమాలో హీరోయిన్‌ ఎవరో తెలుసా?

అ..ఆ సినిమాలో స్టార్‌ హీరోయిన్ సమంతతో రొమాన్స్‌ చేసిన నితిన్‌.. ఇప్పుడు విజయ్‌ కొండా సినిమాకు శృతి హాసన్‌ ను సైన్‌ చేశాడట. ఇది కూడా సొంత ప్రొడక్షనే. మొత్తానికి వరుసగా మాంచి చాకుల్లాంటి ప్రాజెక్టలే ఓకె చేసుకుంటున్నాడు.