రీమేక్ కోసం రేటు పెంచేసిందటగా..

సౌత్ క్రేజీ హీరోయిన్ లలో శృతిహాసన్ పేరు ఫస్ట్ ప్లేస్ లో ఉంటుంది. ప్లానింగ్ విషయంలో ఈ భామకి తిరుగులేదని చెప్పాలి. టాలీవుడ్ - కోలీవుడ్ - బాలీవుడ్ లను ఏకకాలంలో సూపర్ గా బ్యాలెన్స్ చేస్తోంది. ఇంత ట్యాలెంట్ తోటి అగ్ర హీరోయిన్ లకు చేతకావడం లేదని చెప్పాలి. నయన తార తెలుగు సినిమా ఒప్పుకుని చాలా కాలం అయింది. పెద్ద సినిమాలైతే తప్ప టాలీవుడ్ వైపు చూడ్డం లేదు సమంత. వీరి పాట్లన్నీ కోలీవుడ్ లో పాగా వేయడానికే.

కానీ శృతిహాసన్ మాత్రం తెలుగు - తమిళ్ - హిందీల్లో బ్లాక్ బస్టర్స్ కొట్టేస్తోంది. అదీ అమ్మడి ట్యాలెంట్. అయితే.. రీసెంట్ గా ఓ రీమేక్ కోసం శృతిని అడిగారు నిర్మాతలు. మళయాళ సూపర్ హిట్ ప్రేమమ్ ను.. తెలుగులో మజ్ను పేరుతో తీయబోతున్నారు. ఇందులో అక్కినేని ఫ్యామిలీ హీరో నాగచైతన్య నటిస్తుండగా.. జంటగా శృతిహాసన్ ని ఎంచుకున్నారు. ఈ రోల్ చేయడానికి అమ్మడు భారీగానే డిమాండ్ చేసినట్లు టాక్‌.

అక్కినేని వారసుడి పక్కన నటించడానికి అబ్జెక్షన్ చెప్పని శృతిహాసన్.. అక్షరాలా కోటిన్నర అడిగిందట. ఈమె కెరీర్ మొత్తంలో ఇప్పటివరకూ ఇదే హైయెస్ట్ రెమ్యూనరేషన్ అని చెప్పాలి. అయితే.. ట్రాక్ రికార్డ్ చూస్తే మాత్రం.. శృతి అడిగిన మొత్తం కరక్టే అని చెప్పచ్చు.