ఈ వయలెంట్‌ హీరో బ్రేక్‌ ఇస్తాడా?

ఎట్టకేలకు సెక్సిణి శృతి హాసన్‌ ఒక రిలీజ్‌ చవిచూసింది. ఈ మధ్య కాలంలో శ్రీమంతుడు సినిమాతో పెద్ద హిట్టు కొట్టాక.. అసలు అమ్మడు ఇక్కడ కనిపించనే లేదు. దాదాపు ఓ సంవత్సరం తరువాత వచ్చే ఆగస్టులో ''ప్రేమమ్‌'' సినిమాతో రానుందీ బంగారం. ఈలోపు బాలీవుడ్‌ లో ఏదో ప్రయత్నిస్తోంది.

ఈరోజు విడుదలైన ''రాకీ హ్యాండ్సమ్‌'' సినిమాలో శృతి హాసన్‌ హీరోయిన్‌. ఇప్పటివరకే రెహనుమా అంటూ సాగే పాట బాగా పాపులర్‌ అయిపోవడం.. ఆ పాటలో అమ్మడు చాలా అందంగా కనిపించడంతో.. ఈ సినిమాతో అమ్మడికి బాలీవుడ్‌ లో మెగా బ్రేక్‌ గ్యారంటీ అనుకున్నారందరు. కాకపోతే సినిమా చూశాక మాత్రం డిజప్పాయింట్ మెంట్‌ తప్పదు. అబ్బే.. సినిమా బాగానే ఉంది. ఫాస్టు పేడ్‌ యాక్షన్‌ స్టోరీ. కాని మన శృతి మాత్రం ఈ సినిమాలో కేవలం ఒక చిన్న రోల్‌ చేసింది. ఆ పాట తప్పించి ఏమీ లేదు ఇందులో. మిగిలినదంతా కేవలం కండల హీరో జాన్‌ అబ్రహాం చేసే హింసే.

ఒకవేళ ఈ రాకీ హ్యాండ్సమ్‌ కలెక్షన్లపరంగా హిట్టయినా కూడా.. శృతికి బ్రేకొస్తుందా? ఏమో డౌటే.