150 కోట్ల సినిమాలో శృతి హాసన్

కమల్ హాసన్ కూతురుగా సినీ రంగ ప్రవేశం చేసినా.. శృతి హాసన్ తనకంటూ ప్రత్యేకమైన గుర్తింపు ఎప్పుడో తెచ్చేసుకుంది. ఇటు యాక్ట్రెస్ గాను.. అటు మ్యూజిక్ లవర్ గాను తన ప్రత్యేకత చాటుకుంటూనే ఉంటుంది. ఈ భామ చేస్తున్న సినిమాల కౌంట్ తక్కువగా ఉండొచ్చేమో కానీ.. తన ట్యాలెంట్ తో సెంట్రాఫ్ అట్రాక్షన్ అయిపోవడంలోను.. క్రేజీ ప్రాజెక్టుల్లో భాగం అవడంలోను.. శృతి చాలానే చాకచక్యం చూపిస్తు ఉంటుంది.

తండ్రి కమల్ హాసన్ తో కలిసి శభాష్ నాయుడు మూవీ చేస్తున్నా.. ప్రస్తుతం ఆ ప్రాజెక్టు హోల్డ్ లో పెట్టారు. ప్రస్తుతం పవన్ కళ్యాణ్ తో రెండో సారి జత కట్టిన తొలి హీరోయిన్(రేణూ దేశాయ్ కాకుండా)గా రికార్డ్ సృష్టించిన శృతి హాసన్.. కాటమరాయుడు మూవీతో తెలుగు ప్రేక్షకులను పలకరించనుంది. ఇప్పుడు మరో క్రేజీ ప్రాజెక్టులో ఈమెకు అవకాశం లభించింది. దర్శకుడు సుందర్ సి.. 150 కోట్ల రూపాయల భారీ బడ్జెట్ తో ఓ సినిమా చేస్తానని ఇప్పటికే ప్రకటించాడు. ఈ సినిమాలో ఓ హీరోయన్ గా ఎంపికైంది శృతి.

జయం రవి.. ఆర్యలు హీరోలుగా నటిస్తున్న ఈ చిత్రంపై అంచనాలు భారీగానే ఉన్నాయి. మొదటగా ఈ చిత్రం కోసం దర్శకుడు సుందర్.. టాలీవుడ్ సూపర్ స్టార్ మహేష్ ని అడిగాడనే టాక్ కూడా ఉంది. త్వరలోనే షూటింగ్ ప్రారంభించుకోనున్న సంఘమిత్ర.. తన కెరీర్ బెస్ట్ మూవీస్ లో ఒకటిగా నిలుస్తుందని అంటోంది శృతి హాసన్.

Like Us on Facebook : https://www.facebook.com/Tupakidotcom/