శ్రుతిని సిల్కుస్మితలా చూపిస్తాడేమో

అందాల శ్రుతిహాసన్‌ కెరీర్‌ స్కై లో ఉందిప్పుడు. ఇటు దక్షిణాది, అటు ఉత్తరాది అనే తేడా లేకుండా అన్నిచోట్లా జెట్‌ స్పీడ్‌ తో దూసుకుపోతోంది. టాలీవుడ్‌, కోలీవుడ్‌, బాలీవుడ్‌ మూడు చోట్లా.. వరుసగా స్టార్‌ హీరోలతో అవకాశాల్ని తన ఖాతాలో వేసుకుంటోంది. ఈ స్పీడ్‌ చూస్తుంటే రాకెట్‌ వేగాన్ని మరిపిస్తోంది. టాలీవుడ్‌ లో మహేష్‌ సరసన శ్రీమంతుడు లో నటించింది. ఆగస్టు 7న ఈ చిత్రం రిలీజవుతోంది.

అలాగే తమిళ్‌ లో అజిత్‌ సరసన ఓ స్టయిలిష్‌ యాక్షన్‌ ఎంటర్‌ టైనర్‌ లో నటిస్తోంది. ఇప్పుడు ఏకంగా బాలీవుడ్‌ లో అజయ్‌ దేవగన్‌ సరసన అవకాశం అందుకుంది. ఈ చిత్రంలో డర్టీ భామ సిల్కుస్మిత తరహా పాత్రలో నటించబోతోందని తెలుస్తోంది. డర్టీపిక్చర్‌ ఫేం మిలన్‌ లుద్రియా ఈ చిత్రానికి దర్శకత్వం వహిస్తున్నాడు. 2016 స్వాతంత్య్ర దినోత్సవం కానుకగా సినిమాని రిలీజ్‌ చేస్తారని సమాచారం. మిలన్‌ గతంలో అజయ్‌ దేవగన్‌ హీరోగా 'వన్స్‌ అపాన్‌ ఎ టైమ్‌ ఇన్‌ ముంబై' చిత్రం తెరకెక్కించారు. అందులో అజయ్‌ ని సుల్తాన్‌ గా విలక్షణంగా చూపించాడు. భూషణ్‌ కుమార్‌ ఈ చిత్రాన్ని నిర్మిస్తున్నారు. డర్టీపిక్చర్‌ లో విద్యాబాలన్‌ ని సిల్కుస్మితలా చూపించిన చందంగా శ్రుతిని కూడా చూపించబోతున్నాడని బాలీవుడ్‌ లో చెప్పుకుంటున్నారు.