వీడియో : ప్రియుడితో శృతి హాసన్‌... ఎప్పటికి ఇలాగే..!

సౌత్ తో పాటు బాలీవుడ్‌ లో కూడా వరుసగా ప్రాజెక్ట్‌ లు చేస్తున్న ముద్దుగుమ్మ శృతి హాసన్ ప్రస్తుతం శాంతాను హజారికా తో రిలేషన్ లో ఉన్న విషయం అందరికి తెల్సిందే. వీరిద్దరు గత కొన్నాళ్లుగా సహజీవనం సాగిస్తున్నారనే వార్తలు కూడా వస్తున్నాయి. యూనివర్శిల్ స్టార్‌ కమల్ హాసన్ నట వారసురాలిగా ఎంట్రీ ఇచ్చిన ఈ అమ్మడు అతి తక్కువ సమయం లోనే తన సొంత ఇమేజ్ ను క్రియేట్‌ చేసుకుంది.

తన సినీ జీవితంలో ఎంత బిజీగా ఉన్నా కూడా వ్యక్తిగత జీవితంను ఫుల్‌ గా ఆస్వాదిస్తూ ఉంటుంది. గతంలో బ్రేకప్ అయిన శృతి హాసన్ కొంత కాలం సింగిల్‌ గా ఉంది.

ఆ తర్వాత శాంతాను హజారికా తో ప్రేమలో పడింది. అతడు ఒక ఫేమస్ ఆర్టిస్ట్‌.. అతడి ఆర్ట్‌ నచ్చడంతో పాటు అతడి వ్యక్తిత్వం నచ్చడంతో శృతి హాసన్‌ అతడితో ప్రేమలో పడింది.

తాజాగా శృతి హాసన్ ఈ వీడియో ను షేర్‌ చేసిన ఎప్పటికి నీతో కలిసి ఇలాగే ఉండాలని కోరుకుంటున్నాను అన్నట్లుగా కామెంట్ పెట్టింది. సోషల్‌ మీడియాలో ఈ వీడియో వైరల్‌ అవుతోంది.

వీరిద్దరి రొమాంటిక్ వీడియోలు గతంలో కూడా చాలానే వచ్చాయి. అయితే ఈ వీడియో కు ఎప్పటికి ఇలాగే ఉండాలి అన్నట్లుగా శృతి కామెంట్‌ పెట్టడం మరింతగా చర్చనీయాంశంగా మారింది.

గత కొంత కాలంగా వీరిద్దరు కలిసి ఉంటున్నట్లుగా వారు షేర్ చేస్తున్న ఫోటోలు మరియు వీడియోలను చూస్తూ ఉంటే అర్థం అవుతోంది. ఇక శృతి హాసన్ ప్రస్తుతం హీరోయిన్ గా వరుసగా సినిమాల్లో నటిస్తున్న విషయం తెల్సిందే. బాలకృష్ణ మరియు చిరంజీవి సినిమాలతో పాటు ఇతర భాషల్లో కూడా బ్యాక్ టు బ్యాక్‌ శృతి హాసన్ సినిమాలు చేస్తోంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.