యాక్షన్ ఎపిసోడ్స్ ని శృతి చేస్తోంది

సౌత్ సుందరి శృతి హాసన్ ఇప్పటికే గ్లామర్ యాంగిల్ ను చాలాసార్లే ప్రూవ్ చేసుకుంది. లోకనాయకుడు కమల్ హాసన్ కూతురుగా యాక్టింగ్ ట్యాలెంట్ ను కూడా కంటిన్యూ చేస్తోంది. ఇప్పుడు తన కొత్త చిత్రం కోసం తనలోని కొత్త కోణాన్ని ఆవిష్కరించబోతోంది శృతి.

తమిళ్ లో భారీ బడ్జెట్ తో రూపొందుతున్న చిత్రంగా రికార్డుల్లోకి ఎక్కనున్న సంఘమిత్రలో శృతి హాసన్ నటించనుండగా.. ఇప్పుడీ చిత్రం కోసం ఫైటింగ్స్ నేర్చేసుకుంటోంది. "మొదలైంది.. సంఘమిత్ర కోసం ఫైటింగ్ ట్రైనింగ్ తీసుకోవడం అద్భుతంగా ఉంది" అంటూ అఫీషియల్ గా చెప్పింది శృతి హాసన్. అంతే కాదు.. తన సోషల్ మీడియా అకౌంట్ లో ఈ విషయాన్ని చెప్పిన శృతి.. ఓ చిన్నపాటి ట్రైనింగ్ వీడియోను కూడా పోస్ట్ చేసింది. ఫైటింగ్ సీక్వెన్స్ ల కోసం శృతి సీరియస్ గానే సిద్ధమవుతోందని ఈ వీడియో చూస్తే అర్ధమవుతుంది. ఇప్పటివరకూ శృతిలో ఈ యాక్షన్ మోడ్ ను ఎప్పుడూ చూడకపోవడం.. సంఘమిత్రకు ప్రత్యేక ఆకర్షణ కానుంది.

ఆర్య.. జయం రవిలు హీరోలుగా నటిస్తున్న ఈ చిత్రాన్ని సుందర్ సి దర్శకత్వంలో రూపొందిస్తున్నారు. రూ. 150 కోట్ల బడ్జెట్ తో శ్రీ తేనాండాల్ ఫిలిమ్స్ రూపొందిస్తున్న ఈ మూవీ.. తమిళ ఇండస్ట్రీలో రోబో తర్వాత అత్యధిక బడ్జెట్ తో రూపొందుతోంది సంఘమిత్ర.

Like Us on Facebook : https://www.facebook.com/Tupakidotcom/