తండ్రి షో కి గెస్టుగా వెళ్ళింది

కెరీర్ మొదట్లో ఐరెన్ లెగ్ అని విమర్శలు చేసిన వారికే తనదైన శైలిలో హిట్స్ అందుకొని కౌంటర్ ఇచ్చింది శృతి హాసన్. అప్పుడప్పుడు స్పెషల్ సాంగ్స్ తోను మెరుస్తోంది ఈ భామ. ఈ మధ్యన మాత్రం బాలీవుడ్లో మళ్ళీ ఫ్లాపులే చవిచూసింది. టాలీవుడ్ లో ఇంకా ఏ సినిమా కూడా చేయట్లేదు. అయితే శ్రుతి సోషల్ మీడియాలో ఎంత చురుగ్గా ఉంటుందో తెలిసిన విషయమే.. రీసెంట్ గా ఆమె చేసిన ఓ ఫోటో ఇపుడు సోషల్ మీడియాలో హాట్ టాపిక్ గా మారింది.

శ్రుతి హసన్ షూటింగ్ లో ఎంత బిజీగా ఉన్న తన తండ్రి కమల్ హాసన్ తో మాత్రం వారంలో ఒక్కసారైనా సీట్టింగ్ వేయకుండా ఉండలేదట. తరచు ఆయనతో సినిమాకి సంబంధించిన విషయాలను షేర్ చేసుకొని కొన్ని టిప్స్ కూడా తీసుకుంటానని శ్రుతి చాలా ఇంటర్వ్యూలలో చెప్పింది. అయితే ఇప్పుడు కమల్ తో వేసే సిట్టింగ్ ప్లేస్ ను మార్చేసింది ఈ హీరోయిన్. తమిళ్ లో తన తండ్రి నిర్వహిస్తోన్న బిగ్ బాస్ షోకి నిన్నటి ఎపిసోడ్ లో గెస్ట్ గా రాబోతున్నానని చెప్పింది. గెస్ట్ అంటే స్ర్కీన్ ముందు కనిపించే గెస్ట్ కాదండోయ్.. అక్కడ బిగ్ బాస్ హోస్టింగ్ ఆడియన్స్ చేస్తున్నప్పుడు కింద ఆడియన్స్ కూర్చుంటారు కదా.. అక్కడకు గెస్ట్ గా వెళ్ళింది.

ఎప్పుడు ఇంట్లో తన తండ్రిని ఆటపట్టించే శ్రుతి ఇప్పుడు డైరెక్ట్ గా బిగ్ షోలో కమల్ తో సిట్టింగ్ వేయడానికి రెడీ అయ్యింది. మరి ఒకవేళ లైవ్ లో కూడా ఏదో ఒక రోజు కనిపిస్తుందా? ఇప్పుడిపుడే మెల్లగా రేటింగ్ ను అందుకుంటున్న బిగ్ బాస్ తమిళ షో రకరకాల కాంట్రోవర్శీలకు వేదిక అయిపోతోంది. కంటెస్టంట్లపై కేసులు పెట్టడం నుండి అవే కేసులను కమల్ హాసన్ పై పెట్టేసి 100 కోట్ల పరువు నష్టం దావా వెయ్యడం వరకు.. బిగ్ బాస్ కు కూడా చుక్కలు కనబడుతున్నాయ్.