ఇన్నాళ్లకు శ్రుతి ఒప్పుకొంది

తన అందం అండ్ యాక్టింగ్ టాలెంట్ తో ఇటు టాలీవుడ్.. కోలీవుడ్ తోపాటు బాలీవుడ్ ను బహుబాగా మెప్పించిన భామ శృతి హాసన్. కమర్షియల్ హీరోయిన్ కు ఉండాల్సిన గ్లామర్ ఉండటంతో బాలీవుడ్ లో బాగానే ఛాన్సులొచ్చాయి. అదేటైంలోనూ సౌత్ లోనూ పెద్ద హీరోల పక్కన హీరోయిన్ గా నటించింది. దీంతో ఒకానొక టైంలో టాప్ హీరోయిన్ స్టేజీకి చేరుకుంది.

తరవాత ఉన్నట్టుండి శ్రుతికి సినిమాలు తగ్గిపోయాయి. ఇదే టైంలో లండన్ బేస్ డ్ యాక్టర్ మైఖేల్ కార్సేల్ తో డేటింగ్ చేస్తుందనే రూమర్ వచ్చింది. ఆ తరవాత ఫొటో ఫోజుల్లో తప్ప వెండితెరపై ఆమె దర్శనమే లేకుండా పోయింది. తెలుగులో కాటమరాయుడు.. తమిళంలో సింగం-3 తరవాత ఆమె సినిమాలేవీ రిలీజే కాలేదు. ఇన్నాళ్ల తరవాత శృతి ఓ సినిమా చేయడానికి కమిట్ మెంట్ ఇచ్చింది. కమాండో ఫేం హీరో విద్యుత్తు జమాల్ హీరోగా నటించే సినిమాలో శృతి హీరోయిన్ గా నటించనుంది. ఇంతకుముందు వీళ్లిద్దరూ కలిసి యారా అనే సినిమాలో నటించారు. కాకుంటే అదింతవరకు రిలీజ్ కాదు.

యారాలో వీళ్లిద్దరి కెమిస్ట్రీ బాగానే వర్కవుట్ అవడంతో శృతిని విద్యుత్తు జమాల్ పక్కన మరోసారి నటింపజేయడానికి నిర్మాతలు నానాతంటాలు పడి ఒప్పించారు. అవార్డు విన్నింగ్ దర్శకుడు మహేష్ మంజ్రేకర్ చాలాకాలం తరవాత మరోసారి ఈ మూవీ కోసం మెగా ఫోన్ పట్టుకోబోతున్నాడు. ఈ సినిమా స్క్రిప్ట్ నచ్చడంతో శృతి సినిమా చేయడానికి ఓకే చెప్పిందని ఆమె సన్నిహితులు చెబుతున్నారు.