ప్రియుడి గురించి శ్రుతిహాస‌న్ మ‌న‌సులో మాట‌

విశ్వ‌న‌టుడు క‌మ‌ల్ హాస‌న్ గారాలప‌ట్టి శ్రుతిహాస‌న్ ఎఫైర్ల క‌హానీ గురించి చెప్పాల్సిన ప‌నిలేదు. మైఖెల్ కోర్స‌లేతో బ్రేక‌ప్ త‌ర్వాత తీవ్ర ఒత్తిడిలోకి వెళ్లిన శ్రుతి ఢీల్లీ బేస్డ్ డూడ‌ల్ ఆర్టిస్ట్ శంత‌ను హ‌జారికాతో ప్రేమాయ‌ణం సాగిస్తోంది. ఇద్ద‌రూ కొన్ని నెల‌లు డేటింగ్ లో ఉన్నారు. ఇరువురు అత్యంత స‌న్నిహితంగా మెలిగిన ఫోటోలు.. వీడియోలు కూడా లీక‌య్యాయి. అయితే ఈ విష‌యాన్ని ఇద్ద‌రు ధృవీక‌రించ‌లేదు. చాటు మాటు వ్య‌వ‌హారంగానే న‌డిపిస్తున్నారు.

తాజాగా ఇదే విష‌యాన్ని శ్రుతి ముందు ఉంచ‌గా తెలివిగా త‌ప్పించు కుంది. శంత‌న్ మంచి స్నేహితుడు. ఇంకా చెప్పాలంటే బెస్ట్ ఫ్రెండ్. వెరీ ట్యాలెంటెడ్. ఇద్ద‌రి అభిరుచులు ఉంటాయి. క‌ళ‌లు..సంగీతం ప‌ట్ల మంచి అవ‌గాహ‌న క‌లిగి ఉన్నాడు. ఆ ర‌కంగా నాకు ఎంత‌గానో ఉప‌యోగ ప‌డుతున్నాడు. అన్ని అంశాల్లోనూ నాకు ప‌ర్పెక్ట్ గా మ్యాచ్ అవుతాడు. అందుకే అత‌నితో ఎక్కువ స‌మ‌యం గ‌డ‌ప‌డానికి ఇష్ట‌ప‌డ‌తాను.

అత‌నంటే ఎన‌లేని గౌర‌వ మ‌ర్యాద‌లున్నాయని తెలిపింది. అలాగే పెళ్లి గురించి స్పందించింది. నాకు ఎప్పుడు పెళ్లి చేసుకోవాల‌నిపిస్తే అప్పుడే .. పెళ్లికి ముందే ఆ విష‌యం మీడియాకి లీక్ చేస్తా. కానీ ఇప్ప‌ట్లో అలాంటి ప్ర‌ణాళిక‌లు ఏవీ లేవ‌ని కుండ‌బ‌ద్ద‌లు కొట్టేసింది శ్రుతి. అంతా బాగానే ఉంది. కానీ శంత‌ను హ‌జారికాతో ప్రేమాయ‌ణం ఉందా? అంటే మాత్రం జ‌వాబివ్వ‌కుండా స్కిప్ కొట్టేసింది. ప్ర‌స్తుతం శ్రుతి హాస‌న్ స‌లార్ సినిమాతో పాటు కొన్ని కోలీవుడ్ సినిమాల‌తోనూ బిజీగా ఉంది.

యాక్ష‌న్ క్వీన్ గా మారుతున్న శ్రుతి

యాక్షన్ థ్రిల్లర్ క‌థాంశంతో రూపొందుతున్న `సలార్`లో శృతిహాసన్ పాత్ర ఎంతో వైవిధ్యంతో అల‌రిస్తుంద‌ని సమాచారం. ఈ సినిమాలో శృతి యాక్షన్ రాణిగా కనిపించనుంది. సన్నజాజి సోయ‌గం ఉన్న‌ట్టుండి యాక్ష‌న్ క్వీన్ గా స్పెష‌ల్ ట్రీట్ ఇవ్వ‌నుంది. స‌లార్ లో ప్రాభాస్ తో పోటీప‌డుతూ కొన్ని డేర్ డెవిల్ యాక్ష‌న్ విన్యాసాలు చేస్తుంది. స‌లార్ లో యాక్షన్ సీక్వెన్స్ లలో శ్రుతి విన్యాసాలు ప్రామాణికమైనవని నిర్ధారించుకోవడానికి ఇప్ప‌టికే మార్షల్ ఆర్ట్స్ లో శిక్షణ పొందుతోంది. ప్రఖ్యాత ట్రైన‌ర్ త‌న‌కు శిక్ష‌ణ‌నిస్తున్నార‌ని స‌మాచారం. ప్రశాంత్ నీల్ దర్శకత్వం వ‌హిస్తున్న‌ ఈ చిత్రాన్ని హోంబలే ఫిల్మ్స్ భారీ స్థాయిలో నిర్మిస్తోంది. కొంత గ్యాప్ తర్వాత‌ శ్రుతిహాస‌న్ కంబ్యాక్ ప్ర‌య‌త్నాల‌తో అద‌ర‌గొడుతోంది. క్రాక్ - వ‌కీల్ సాబ్ లాంటి బ్లాక్ బ‌స్ట‌ర్ల‌తో టాలీవుడ్ లో కంబ్యాక్ అయిన శ్రుతి పాన్ ఇండియా చిత్రాల‌తో దూసుకెళుతోంది.

సోష‌ల్ మీడియాల్లో అసాధార‌ణ ప్ర‌యోగాలు

శ్రుతి హాస‌న్ మ‌రోవైపు సోష‌ల్ మీడియాల్లోనూ ప్ర‌యోగాల‌తో ఆక‌ట్టుకుంటోంది. ముఖ్యంగా ఈ బ్యూటీ వెస్ట్ర‌న్ స్టైల్ మేక‌ప్ ల‌తో మ‌తులు చెడ‌గొడుతోంది. గోథిక్ లుక్ తో పాశ్చాత్య బాణీని వినిపిస్తూ త‌న‌దైన యూనిక్ నెస్ ని ప్ర‌చారం చేస్తోంది. మునుముందు మేక‌ప్ ప‌రంగా హెయిర్ డిజైన్స్ ప‌రంగా ప్ర‌యోగాల‌కు శ్రీ‌కారం చుట్టేందుకు విల‌క్ష‌ణ పాత్ర‌ల‌తో అద‌ర‌గొట్టేందుకు శ్రుతి ప్ర‌ణాళిక‌లు వేస్తోంది. క‌మ‌ల్ హాస‌న్ న‌ట‌వార‌సురాలిగా ప్ర‌యోగాత్మ‌క పాత్ర‌ల‌తో వెరైటీ న‌టిగా నిరూపించుకునేందుకు ప్ర‌య‌త్నిస్తుంద‌ని తెలిసింది.

గాయ‌నిగా ప్ర‌య‌త్నాలు కొండెక్కిన‌ట్టే!

టాలీవుడ్ లో అగ్ర‌క‌థానాయిక‌గా కొన‌సాగుతున్నా శ్రుతికి తీరని కోరిక ఒక‌టి ఉంది. పాప్ గాయ‌నిగా నిరూపించుకుని అంత‌ర్జాతీయ స్థాయిలో త‌న సొంత బ్యాండ్ ని విస్త‌రించి స‌త్తా చాటాల‌నేదే. ఇంత‌కుముందు మైఖేల్ కోర్స‌లే నుంచి విడిపోయిన క్ర‌మంలో విదేశాల్లో త‌న ప్ర‌ద‌ర్శ‌న ఇచ్చింది. కానీ ఆ త‌ర్వాత ఎందుక‌నో తిరిగి ఇండియాకి వ‌చ్చేసిన శ్రుతి ఇక్క‌డ క‌థానాయిక‌గా ప్ర‌య‌త్నాలు ప్రారంభించింది. ఇప్ప‌టికిప్పుడు బిజీ నాయిక‌గా మారిపోయింది గ‌నుక .. పాప్ గాయ‌నిగా ప్ర‌య‌త్నాలు కొండెక్కిన‌ట్టేనా! అంటూ అభిమానుల్లో సందేహం నెల‌కొంది.