పిక్ టాక్: నిప్పు కణికల మధ్య పవర్ ఫుల్ గా కనిపిస్తున్న నాని..!

నేచురల్ స్టార్ నాని హీరోగా నటిస్తున్న లేటెస్ట్ మూవీ ''శ్యామ్ సింగ రాయ్''. కలకత్తా బ్యాక్ డ్రాప్ లో హై వోల్టేజ్ పీరియాడికల్ యాక్షన్ ఎంటర్టైనర్ గా ఈ చిత్రాన్ని రూపొందిస్తున్నారు. రాహుల్ సాంకృత్యన్ దర్శకత్వం వహిస్తున్న ఈ సినిమాని డిసెంబర్ 24న విడుదల చేయనున్నారు. ఈ నేపథ్యంలో ప్రమోషన్స్ ముమ్మరం చేసిన మేకర్స్.. వరుస అప్డేట్స్ వదులుతూ ఉన్నారు.

ఇప్పటికే విడుదలైన 'శ్యామ్ సింగ రాయ్' ప్రచార చిత్రాలు - మోషన్ పోస్టర్ - ఫస్ట్ సింగిల్ మంచి రెస్పాన్స్ తెచ్చుకున్నాయి. ఈ నేపథ్యంలో తాజాగా సినిమా నుంచి టీజర్ ను వదలడానికి ముహూర్తాన్ని ఖరారు చేశారు. ఈ నెల 18వ తేదీన ఈ టీజర్ ను రిలీజ్ చేయనున్నట్లు ప్రకటించారు. ఈ సందర్భంగా విడుదల చేసిన నాని పోస్టర్ ఆకట్టుకుంటోంది.

నాని ఈ చిత్రంలో శ్యామ్ సింగరాయ్ మరియు వాసు అనే రెండు పాత్రల్లో కనిపించనున్నారు. ఇప్పుడు రిలీజ్ చేసిన పోస్టర్ లో శ్యామ్ సింగ రాయ్ చేతిలో మండే కర్రను పట్టుకుని ఫైట్ చేస్తున్నారు. నిప్పు కణికల మధ్య నాని బెంగాలీ యువకుడిగా ఇంటెన్స్ అండ్ పవర్ ఫుల్‌ గా ఉన్నారు. టీజర్ ఏ రేంజ్ లో ఉండబోతోందో ఈ పోస్టర్‌ ను బట్టి అర్థమవుతుంది.

అంతేకాదు ఇందులో నాని హై ఓల్జేజ్ యాక్షన్ సీక్వెన్స్‌ తో రచ్చ చేయబోతోన్నట్టు తెలుస్తోంది. ఇప్పటి వరకు 'శ్యామ్ సింగ రాయ్' పాత్రలను విడివిడిగా పరిచయం చేసారు. మరికొన్ని రోజుల్లో రాబోయే టీజర్ లో హీరోయిన్ తో పాటుగా నాని రెండు క్యారెక్టర్స్ ని చూపిస్తారేమో. ఇందులోసాయి పల్లవి - కృతి శెట్టి - మడోనా సెబాస్టియన్ హీరోయిన్లుగా నటిస్తున్నారు. జిషు షేన్ గుప్తా - రాహుల్ రవీంద్రన్ - మురళీ శర్మ - అభినవ్ గోమటం ముఖ్య పాత్రలు పోషిస్తున్నారు.

'శ్యామ్ సింగ రాయ్' చిత్రాన్ని తెలుగు తమిళ కన్నడ మలయాళ భాషల్లో విడుదల చేయనున్నారు. నిహారిక ఎంటర్టైన్మెంట్స్ బ్యానర్ పై వెంకట్ బోయనపల్లి భారీ బడ్జెట్ తో నిర్మిస్తున్నారు. మిక్కీ జె మేయర్ సంగీతం సమకూరుస్తున్న ఈ సినిమాకి సత్యదేవ్ జంగా కథ అందించారు. సాను జాన్ వర్గేష్ సినిమాటోగ్రఫీ అందిస్తుండగా.. నవీన్ నూలి ఎడిటింగ్ వర్క్ చేస్తున్నారు.