ముగ్గురి మధ్య నలిగిపోయిన సిద్ధార్ధ్

సిద్ధార్ధ్ కి కొన్నేళ్లుగా తెలుగులో సరైన సినిమా లేదు. వరుస పరాజయాల కారణంగా.. అసలు తెలుగులో డైరెక్ట్ సినిమాలు చేయడమే మానేశాడు కూడా. తన కాన్సన్ ట్రేషన్ అంతా తమిళ్ పైనే పెట్టాడు. కోలీవుడ్ లో వరుసగా సినిమాలు చేస్తున్నా.. అవన్నీ టాలీవుడ్ కి వచ్చిన దాఖలాలు లేవు. వచ్చిన ఒకటీ అరా చిత్రాలను కూడా తెలుగు ప్రేక్షకులు పట్టించుకోలేదు.

కమల్ - రజినీ లాంటి సీనియర్లుతోపాటు సూర్య - అజిత్ లాంటి స్టార్ హీరోలు టాలీవుడ్ లో సత్తా చాటుతున్నా.. టాలీవుడ్ ని ఆకట్టుకోవడంలో మాత్రం సిద్ధార్ధ్ పెద్దగా సక్సెస్ కాలేకపోయాడు. సిద్ధూ వదిలేసినా... అతనితో చిత్రాలు తీసే మేకర్స్ మాత్రం అడపాదడపా డబ్బింగ్ మూవీస్ ని వదులుతున్నారు. ఇప్పుడు అలాగే సిద్ధార్ధ్ నటించిన ఓ మూవీ కొత్త ఏడాదిలో ప్రేక్షకుల ముందుకు రానుంది. అరణ్మణై2 పేరుతో తెరకెక్కిన ఈ చిత్రాన్ని తెలుగు ప్రేక్షకులను కూడా అలరించేలా ఏర్పాట్లు చేస్తున్నారు. హారర్ కామెడీ జోనర్ లోని ఈ మూవీకి చెందిన తొలి భాగం.. ఇప్పటికే చంద్రిక పేరుతో వచ్చి ఇక్కడ సక్సెస్ సాధించింది. దీంతో రెండో భాగంపైనా ఆశలు రెట్టింపయ్యాయి. ఇందులో ఓ స్పెషల్ సాంగ్ గా.. ముగ్గురు అందాల భామల మధ్యలో సిద్ధార్ధ్ నలిగిపోయే ఓ పాటను షూట్ రూపొందించారు.

త్రిష - హన్సిక - పూనమ్ బజ్వాలు అందాలు ఆరబోస్తూ.. సిద్ధార్ధ్ మీద పడిపోతున్న ఓ ఫోటోను పబ్లిసిటీ కోసం రిలీజ్ చేశారు. విచిత్రం ఏంటంటే.. ఈ నలుగురూ టాలీవుడ్ లో సరైన స్థానం కోసం ఇబ్బంది పడుతున్నవారే. ఈ నలుగురూ కలిసి చేసిన ఈ స్పెషల్ సాంగ్.. మూవీకే హైలైట్ గా ఉండేలా తెరకెక్కిస్తున్నారు. జనవరి 29న అరణ్మణై2ని రిలీజ్ చేయనుండగా.. తెలుగు వెర్షన్ కూడా అదో రోజు విడుదల కానుంది. అయితే, తెలుగు డబ్బింగ్ వెర్షన్ కు ఇంకా టైటిల్ డిసైడ్ చేయలేదు.