జంబలకిడిపంబ భామ భయపెడుతోంది

హర్రర్ కామెడీ సినిమాల ట్రెండ్ కు శ్రీకారం చుట్టిన సినిమా ప్రేమ కథా చిత్రమ్. సుధీర్ బాబు హీరోగా మారుతి ప్రొడక్షన్ లో వచ్చిన ఈ మూవీ ప్రేక్షకులను ఓ పక్క భయపెడుతూనే కడుపుబ్బా నవ్వించింది. ఇందులో హీరోయిన్ గా నందిత నటించింది. ఇప్పుడీ మూవీకి సీక్వెల్ రెడీ చేస్తున్నారు.

ప్రేమ కథా చిత్రమ్-2 పేరుకు సీక్వెల్ అయినా టీం మొత్తం మారిపోయింది. హరికిషన్ ఈ మూవీని డైరెక్ట్ చేయబోతున్నాడు. హీరోగా సుమంత్ అశ్విన్ నటించనున్నాడు. ఇక అందరినీ భయపెట్టే హీరోయిన్ గా జంబలకిడిపంబ ఫేం హీరోయిన్ సిద్ధి ఇద్నాని కనిపించనుంది. రీసెంట్ గా వచ్చిన జంబలకిడిపంబ ట్రైలర్ లో సిద్ధి లుక్ చాలా బాగుండటం.. ఆమె నటన ఆకట్టుకోవడంతో డైరెక్టర్ హరికిషన్ ఆమెను ఈ రోల్ కు కావాలని తీసుకున్నాడట. తన మొదటి సినిమా రిలీజ్ కు ముందే ఇంకో ఛాన్స్ రావడంతో ఈ గుజరాతీ భామ హ్యాపీగా ఓకే చెప్పేసింది.

జంబలకిడిపంబ సినిమాలో కామెడీ హీరో శ్రీనివాసరెడ్డి భార్య పాత్రలో సిద్ధి కనిపించనుంది. భార్య ప్లేస్ లోకి భర్త.. అతడి ప్లేస్ లోకి భార్య వస్తే ఎలా ఉంటుందనే ఫన్నీ ఎలిమెంట్ తో ఈ సినిమా తెరకెక్కించారు. ముంబయిలో పుట్టి పెరిగిన ఈ భామకు థియేటర్ ఆర్టిస్టుగా ఎక్స్ పీరియన్స్ ఉంది.