ఒక్క హిట్టుకే స్టార్ ట్యాగ్ త‌గిలించావేంటీ టిల్లు?

ప్ర‌తీ శుక్ర‌వారం ఇండ‌స్ట్రీలో జాత‌కాలు మారుతుంటాయి అన్న‌ది తెలిసిందే. ఏ రాత్రి ఎవ‌రి జాత‌కం ఎలా మారుతుందో చెప్ప‌డం క‌ష్టం. రాత్రికి రాత్రే స్టార్స్ గా నిలిచిన వాళ్లూ వున్నారు.. అదే రాత్రి ఫేటే మారి ర‌నిపించ‌కుండా పోయిన వాళ్లూ వున్నారు. ఇవ‌న్నీ తెలిసి కూడా కొంత మంది స్టార్ డ‌మ్ కోసం ప‌రుగులు పెడుతూనే వుంటారు. అయితే వీరంద‌రికీ భిన్నంగా యంగ్ హీరో, డీజే టిల్లు` ఫేమ్‌ సిద్దూ జొన్న‌ల‌గ‌డ్డ వ్య‌వ‌హ‌రిస్తున్న తీరు షాకిస్తోంది. చాటా మంది పేరున్న హీరోలే రెండు మూడు సూప‌ర్ హిట్ ల త‌రువాత ట్యాగ్ లు వేసుకుంటే సిద్దూ జొన్న‌ల‌గ‌డ్డ మాత్రం అందుకు భిన్నంగా వ్య‌వ‌హ‌రించ‌డం షాకిస్టోంది.

త‌న‌కు తానే స‌రికొత్త ట్యాగ్ ని కేవ‌లం ఒక్క హిట్టుతో సిద్దూ జొన్న‌ల‌గ‌డ్డ వేసుకున్న తీరు ఇప్ప‌డు చ‌ర్చ‌నీయాంశంగా మారింది. వివ‌రాల్లోకి వెళితే.. సిద్దూ జొన్న‌ల‌గ‌డ్డ న‌టించిన `డీజే టిల్లు` ఈ ఏడాది ఫిబ్ర‌వ‌రిలో భారీ సినిమాల మ‌ధ్య విడుద‌లై అనూహ్య విజ‌యాన్ని సొంతం చేసుకున్న విష‌యం తెలిసిందే. మేక‌ర్స్ ఊహ‌కంద‌ని విజ‌యాన్ని సొంతం చేసుకున్న ఈ మూవీ నిర్మాత‌కు భారీ స్థాయిలో లాభాల్ని తెచ్చిపెట్టింది. శాటిలైట్‌, ఓటీటీ ఇలా ప్ర‌తీ విష‌యంలోనూ `డీజే టిల్లు` మేక‌ర్స్ పంట‌పండించింది.

దీంతో ఈ మూవీకి సీక్వెల్ ని తాజాగా మొద‌లు పెట్టారు. సిద్దూ జొన్న‌ల‌గ‌డ్డ హీరోగా న‌టిస్తున్న ఈ మూవీలో అనుమ ప‌ర‌మేశ్వ‌ర‌న్ హీరోయిన్ గా న‌టిస్తోంది. మ‌ల్లిక్ రామ్ ద‌ర్శ‌క‌త్వం వ‌హిస్తున్నఈ మూవీకి `టిల్లు స్క్వేర్‌` అనే టైటిల్ ని ఫైన‌ల్ చేశారు. దీపావ‌ళి సంద‌ర్భంగా టైటిల్ రివీల్ వీడియోని విడుద‌ల చేశారు. అంతే కాకుండా కొత్త పోస్ట‌ర్ ని కూడా విడుద‌ల చేశారు. ఈ సీక్వెల్ కార‌ణంగా `బుట్టబొమ్మ‌` మూవీలోని నెగెటివ్ క్యారెక్ట‌ర్ ని ప‌క్క‌న పెట్టిన సిద్దే జొన్న‌ల‌గ‌డ్డ ఈ మూవీపై భారీ అంచనాలే పెట్టుకున్నాడు.

`టిల్లు స్క్వేర్‌`తో స్టార్ హీరోల జాబితాలో చేరిపోవాల‌ని భారీ ప్లాన్ తో రెడీ అయిన‌ట్టుగా తెలుస్తోంది. కొత్త‌గా రిలీజ్ చేసిన పోస్ట‌ర్ పై కొత్త‌గా `స్టార్ బాయ్‌` అనే ట్యాగ్ ని వేసుకోవ‌డం ప‌లువురిని ఆశ్చ‌ర్యానికి గురిచేస్తోంది. `డీజే టిల్లు`తో మంచి క్రేజ్ ని సొంతం చేసుకున్న సిద్దూ జొన్న‌ల‌గ‌డ్డ త‌న‌కు తానే `స్టార్ బాయ్‌` ట్యాగ్ ని ప్ర‌త్యేకంగా `టిల్లు స్క్వేర్‌` సినిమాకు త‌గిలించుకున్న తీరు ఇండ‌స్ట్రీ వ‌ర్గాల‌ని షాక్ కి గురిచేస్తోంది.

నెట్టింట వైర‌ల్ అవుతున్ `టిల్లు స్క్వేర్‌` పోస్ట‌ర్ పై నెటిజ‌న్ లు మీమ్స్ పేలుస్తున్నారు. గ‌తంలో హీరోకు ట్యాగ్ ఇవ్వాలంటే ద‌ర్శ‌కుడో.. నిర్మాతో ఆ ప‌ని చేసేవారు.. హీరో వ‌ద్దంటున్న ద‌ర్శ‌క‌నిర్మాత‌లే ప‌ట్టుబ‌ట్టి ట్యాగ్ ల‌ని వేయించే వారు. సుప్రీమ్ హీరోగా వున్న చిరంజీవికి మెగాస్టార్ ట్యాగ్ ని ఇచ్చింది నిర్మాత అన్న విష‌యం అంద‌రికి తెలిసిందే. అయితే అందుకు పూర్తి భిన్న‌గా `టిల్లు స్క్వేర్‌` కోసం సిద్దూ జొన్న‌ల‌గ‌డ్డ త‌నకు టానే `స్టార్ బాయ్` అనే ట్యాగ్ ఇచ్చుకోవ‌డంతో ఒక్క హిట్టుకే స్టార్ ట్యాగ్ త‌గిలించావేంటీ టిల్లు? అని కామెంట్ లు పేలుతున్నాయి.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.