శ్రీమంతుడు + సైమా = ఫిలింనగర్ ఖాళీ

ఫిలిం నగర్ రోడ్లు బోసిపోతున్నాయి. ఇవాళ రిలీజైన శ్రీమంతుడు భారీ మూవీ కావడంతో...ఫ్యాన్సే కాదు.. అందరిలోనూ చాలా ఉత్కంఠ నెలకొంది. సినిమా ఇండస్ట్రీ మొత్తం మహేష్ నుంచి ఎదురు చూస్తున్న బంపర్ హిట్ పై సర్వత్రా ఆసక్తి నెలకొంది. దీంతో పబ్లిక్ టాక్ తెలుసుకునేందుకు ఫిలిం నగర్ జనాలు థియేటర్ల బాట పట్టేశారు

మరోవైపు దుబాయ్ లో దక్షిణాదికి అతిపెద్దవైన సైమా అవార్డుల ఫంక్షన్ కూడా ఇవాళే మొదలైంది. ఈ కార్యక్రమానికి... ఇండస్ట్రీకి చెందిన అతిరథ మహారథులు, దిగ్గజాలు, లెజెండ్లు, సెలబ్రిటీలు ఇలా అందరూ తరలి వెళ్లారు. దీంతో ఉన్న హైద్రాబాద్ లో సినీ ప్రముఖుల లోటు ఏర్పడినట్లైంది. మొత్తానికి తెలుగు ఇండస్ట్రీకి ఒకేసారి రెండు పండగలు వచ్చినట్లైంది. ఒకవైపు థియేటర్ల లో శ్రీమంతుడు ఇరగదీస్తుంటే... మరోవైపు దుబాయ్ లో మన సినీ ప్రముఖులంతా ఒక చోటకు చేరారు. ఇలాంటి అరుదైన ఘటనలు అఫ్పుడప్పుడే జరుగుతాయి. రెండు రోజుల పాటు జరగనున్న సైమా ఫంక్షన్ తర్వాత... వీరంతా హైద్రాబాద్ చేరుకుని శ్రీమంతుడిపై తమ ఒపీనియన్ చెప్పే ఛాన్సులున్నాయి.