గాల్లో బొంబాట్ ఆడుతున్న మ‌హేష్ సిస్ట‌ర్

ఇంత‌కుముందు మ‌హేష్ న‌టించిన కార్ దేకో క‌మ‌ర్షియ‌ల్ యాడ్ లో క‌నిపించింది సిమ్ర‌న్ చౌద‌రి. ఆ ప్ర‌క‌ట‌న త‌ర్వాత టాలీవుడ్ లో ఈ కొత్త ఫేస్ రిజిస్ట‌ర్ అయ్యింది. ఇక తొలి ప్ర‌య‌త్న‌మే సైన్స్ ఫిక్షన్ కాన్సెప్ట్ ఉన్న సినిమాలో అవ‌కాశం ద‌క్కించుకుంది ఈ అమ్మ‌డు. ఈ భామ న‌టించిన‌ బొంబాట్ మూవీ ఇటీవ‌లే అమెజాన్ లో రిలీజైంది. రోబోటిక్ కాన్సెప్ట్ తో ఆదిత్య 369 త‌ర‌హా ప్ర‌యోగ‌మిది అంటూ బోలెడంత ప్ర‌చారం సాగింది. టీజ‌ర్ ట్రైల‌ర్ ఆక‌ట్టుకోవ‌డంతో సినిమాలో మ్యాట‌ర్ ఎంత‌? అంటూ ఆస‌క్తిక‌ర చ‌ర్చ సాగింది.

తాజాగా అమెజాన్ ప్రైమ్ ఒరిజిన‌ల్ కంటెంట్ విభాగంలో రిలీజైంది. ప్ర‌యోగాత్మ‌కంగా తెర‌కెక్కించిన బొంబాట్ కి చ‌క్క‌ని ఆద‌ర‌ణ ద‌క్కుతోంద‌ని ఇలాంటి మంచి అవ‌కావం ద‌క్కినందుకు ఆనందంగా ఉంద‌ని క‌థానాయిక సిమ్ర‌న్ చౌద‌రి ఆనందం వ్య‌క్తం చేస్తోంది.

ఇందులో మాయ అనే పాత్ర‌లో న‌టించాను. నా న‌ట‌న‌పై సోష‌ల్ మీడియా వ్యాఖ్య‌లు చ‌దువుతున్నా. నా ముఖంపై చిరున‌వ్వు ను దాచుకోలేను.. అంద‌రికీ ధ‌న్య‌వాదాలు అని తెలిపింది. మాయ పాత్ర‌లో అవ‌కాశం ద‌క్కినందుకు ఆనందం వెలిబుచ్చింది. కె రాఘవేంద్ర రావు సమర్పణలో సూచిత డ్రీం వర్క్స్ ప్రొడక్షన్ పతాకం పై సుశాంత్, చాందిని చౌదరి - సిమ్రాన్ చౌదరి ముఖ్య తారాగణం తో రాఘవేంద్ర వర్మ దర్శకత్వం లో విశ్వాస్ హన్నూర్ కార్ నిర్మించారు.


వీడియో కోసం ఇక్కడ క్లిక్ చేయండి : https://www.instagram.com/p/CGjnlhgnVCz/