శింబు నుంచి మ‌రో సెన్సేష‌న‌ల్ మూవీ

మొత్తానికి కోలీవుడ్ బ్యాడ్ బాయ్ శింబు నెమ్మ‌దిగా గాడిలో ప‌డుతున్న‌ట్లే ఉన్నాడు. రెండు మూడేళ్లుగా అన‌వ‌స‌ర వివాదాల‌తో త‌న సినిమాలు అస‌లు స‌మ‌యానికి రిలీజ్ చేసుకోలేని ప‌రిస్థితుల్లో ఉన్న శింబు.. ఈ మ‌ధ్యే లాంగ్ డిలేయ్డ్ మూవీ ‘ఇదు న‌మ్మ ఆళు’ ను థియేట‌ర్ల‌లోకి తీసుకురావ‌డ‌మే కాదు.. సూప‌ర్ హిట్ కూడా ఖాతాలో వేసుకున్నాడు. మ‌రోవైపు గౌత‌మ్ మీన‌న్ ద‌ర్శ‌క‌త్వంలో చేస్తున్న ’అచ్చం ఎన్బ‌దు మ‌ద‌మైయ‌ద’ (సాహ‌సం శ్వాస‌గా సాగిపో) సినిమాను కూడా ఈ మ‌ధ్యే పూర్తి చేసి.. విడుద‌ల‌కు మార్గం సుగ‌మం చేశాడు. తాజాగా త్రిష ఇల్లాన న‌య‌న‌తార ఫేమ్ ఆధిక్ ర‌విచంద్ర‌న్ ద‌ర్శ‌క‌త్వంలో ‘ఏఏఏ’ అనే ఓ ఆస‌క్తిక‌ర చిత్రాన్ని మొద‌లుపెట్టాడు శింబు.

‘ఎఎఎ’ అంటే అన్బానవన్ అసరాదవన్ అడంగాదవన్ (ప్రేమించేవాడు.. భయపడనివాడు లొంగనివాడు) అని అర్థం. త‌న తొలి సినిమాకు భిన్నంగా ఏదో సైంటిఫిక్ థ్రిల్ల‌ర్ ట్రై చేస్తున్న‌ట్లున్నాడు ఆధిక్. ఈ సినిమా ఫ‌స్ట్ లుక్ పోస్ట‌ర్ భ‌లే ఆస‌క్తి రేకెత్తిస్తోంది. స్పైడ‌ర్ మ్యాన్ త‌ర‌హా మూడు ముఖాల‌ను చూపించారు పోస్ట‌ర్లో. విశేఫం ఏంటంటే.. ఈ సినిమా కోసం శింబు భారీగా బ‌రువు పెరుగుతున్నాడ‌ట‌. దాదాపు 95 కిలోల బ‌రువున్నోడిగా క‌నిపిస్తాడ‌ట అత‌ను. సైజ్ జీరో సినిమా కోసం అనుష్క క‌ష్ట‌ప‌డ్డ‌ట్లు శింబు కూడా శ్ర‌మించి బ‌రువు పెర‌గ‌బోతు్న్నాడు. అంత బ‌రువుతో శింబు ఎలా క‌నిపిస్తాడో చూడాలి. ఈ క్యారెక్ట‌ర్ శింబు కెరీర్లో చాలా స్పెష‌ల్ గా నిలిచిపోతుందంటున్నారు.