కమెడియన్ మూవీకి హీరో మ్యూజిక్

శిలాంబరసన్ అలియాస్ శింబు.. మల్టీ ట్యాలెంటెడ్ కోలీవుడ్ హీరో అనే విషయం తెలిసిందే. ఇప్పటికే చాలా రకాలుగా తన ట్యాలెంట్ ను ప్రపంచానికి తన అభిమానులకు చూపించాడు. ఎప్పటికప్పుడు ఆడియన్స్ కు కొత్త రకమైన షాక్స్ ఇచ్చేందుకు శింబు ఎప్పుడూ సిద్ధంగానే ఉంటాడు. ఇప్పటివరకూ రకరకాల రంగాల్లో ట్యాలెంట్ చూపించిన శింబు.. ఇప్పుడు మ్యూజిక్ డైరెక్టర్ అవతారం ఎత్తేస్తున్నాడు.

అది కూడా ఓ కమెడియన్ నటించిన మూవీ కోసం కావడం విశేషం. 'సక్క పోడు పోడు రాజా' చిత్రంలో సంతానం హీరోగా నటిస్తున్నాడు. శింబు మూవీ మన్మథతో సినీ రంగానికి పరిచయమైన సంతానం.. ఆ తర్వాత స్టార్ కమెడియన్ గా ఎదిగాడు. అప్పటి నుంచి వీరిద్దరి మధ్య బోలెడంత ఫ్రెండ్ షిప్ ఉంది. తమ మధ్య ఉన్న అనుబంధాన్ని బేస్ చేసుకుని.. తన సినిమాకి మ్యూజిక్ ఇవ్వమని అడిగాడట సంతానం.

సక్కపోడు పోడు రాజా చిత్రంలో వైభవి సంధ్య హీరోయిన్ గా నటిస్తుండగా.. ఈ సినిమాకి శింబు సంగీతం అందిస్తుండడంపై అఫీషియల్ గా అనౌన్స్ చేశాడు సంతానం. 'నా గాడ్ ఫాదర్.. మంచి మనిషి అయిన శింబు.. మొదటిసారిగా మ్యూజిక్ డైరెక్టర్ అవతారం ఎత్తి.. నా మూవీ సక్కపోడు పోడు రాజా చిత్రానికి సంగీతం అందించనున్నాడు. నేనెంతో అదృష్టవంతుండిని' అని చెప్పుకొచ్చాడు సంతానం.

Like Us on Facebook : https://www.facebook.com/Tupakidotcom/