శౌర్యతో సరే అంటున్న కిర్రాక్ భామ

ఒక్కోసారి అంతే మరి.. అదృష్టం అలాగే పట్టేస్తుంది. మన టాలీవుడ్ లో అయితే.. అందమైన భామలను అవకాశాలు వెంటాడుతూనే ఉంటాయి. నాలుగేళ్లుగా గ్లామర్ ఫీల్డ్ లో ఉంది సిమ్రాన్ పరీంజా. అయితే.. హిందీ టీవీ సీరియల్స్ కే పరిమితం కావాల్సి వచ్చింది తప్ప.. సిల్వర్ స్క్రీన్ మీద కనిపించే ఛాన్స్ రాలేదు.

కానీ ఈమెకు టాలీవుడ్ యంగ్ హీరో నిఖిల్ తన సినిమా కిర్రాక్ పార్టీలో హీరోయిన్ గా అవకాశం ఇచ్చాడు. ఈ నెల 16న ఈ సిమ్రాన్ సినీ అరంగేట్రంతో పాటు బిగ్ స్క్రీన్ కి తెరంగేట్రం చేయనుంది. ఇంకా ఆ చిత్రం విడుదల కాకముందే.. ఈమెను మరో అవకాశం వెతుక్కుంటూ వచ్చేసింది. ఆ ఛాన్స్ కూడా టాలీవుడ్ నుంచే వచ్చేయడమే చెప్పుకోవాల్సిన విషయం. నాగశౌర్య హీరోగా శ్రీనివాస్ చక్రవర్తి అనే కొత్త దర్శకుడు రూపొందించబోయే సినిమాలో సిమ్రాన్ పరీంజాను ఫైనల్ చేశారు.

నాగశౌర్య.. సిమ్రాన్ ఇద్దరూ కలిస్తే.. యూత్ ను ఆకట్టుకునే జంట అవుతారని దర్శకుడు కాన్ఫిడెంట్ గా ఉన్నాడు. తన స్క్రిప్ట్ కు సరిగ్గా సరిపోయే హీరోయిన్ సిమ్రాన్ పరీంజా అని దర్శకుడు శ్రీనివాస్ ఫీలయితే.. ఈ స్టోరీని తనకోసమే రాసినట్లుగా ఉందని.. అంతగా తనను మెప్పించేసిందని అంటున్న సిమ్రాన్.. నాగశౌర్యతో మూవీ తర్వాత టాలీవుడ్ లో తను ఓ రేంజ్ కి చేరిపోతానని నమ్మకం పెట్టేసుకుంది.