సర్దార్‌ ఆడియో: బాబా ఏమయ్యాడబ్బా!!

సినిమా విడుదలకు ముందే తన పాటలతో మూవీని హిట్ చేసేయగల కెపాసిటీ మ్యూజిక్ డైరెక్టర్ దేవిశ్రీ ప్రసాద్ కి ఉంది. ప్రతీ ఆల్బంలోను ఒక్కో పాటకు విభిన్నమైన సింగర్స్ ను ఎంచుకుంటూ, పాటలను సూపర్ హిట్ చేసేస్తాడు. ఇప్పుడు సర్దార్ గబ్బర్ సింగ్ ఆడియోతో ఆడియన్స్ ముందుకు వచ్చాడు రాక్ స్టార్ డీఎస్పీ.

ఈ ఆల్బంలో అన్ని పాటలు అదుర్స్ అనిపిస్తున్నా.. ముఖ్యంగా టైటిల్ సాంగ్ పై స్పెషల్ కాన్సన్ ట్రేషన్ చూపించాడని చెప్పాలి. సర్దార్ సర్దార్.. సర్దార్ గబ్బర్ సింగ్ అంటూ ఈ టైటిల్ సాంగ్ పాడిన సింగర్ బాబా సెహగల్. మెగా మూవీస్ లో అప్పుడప్పుడు ఈ పాప్ సింగర్ పాడ్డం జరుగుతూనే ఉంటుంది. పవర్ స్టార్ అంటూ తనే ఓ పాట కూడా రాసేసి పాడేసిన హిస్టరీ కూడా ఉంది. ఇదంతా బాగానే ఉంది కానీ.. అసలు విషయం ఏంటంటే.. ఇప్పుడు సర్దార్ సింగర్స్ అందరితో కలిపి డీఎస్పీ ఓ వీడియో రిలీజ్ చేశాడు.

ది సింగర్స్ ఆఫ్ సర్దార్ గబ్బర్ సింగ్ అనే ఈ వీడియోలో... శ్రేయాఘోషల్ - బెన్నీ దయాల్ - మమతా శర్మ - సాగర్ -విజయ్ ప్రకాష్ - చిన్మయి - సింహ - నకాష్ అజీజ్ లు మాత్రమే కనిపిస్తున్నారు.. త్వరలో మ్యూజిక్ మేకింగ్ వీడియోలు కూడా రిలీజ్ చేస్తామని చెప్పారు. అయితే.. ఈ వీడియోలో ఎక్కడా బాబా సెహగల్ కనిపించకపోవడం ఆశ్చర్యకరం. దీనికి రీజన్ ఏంటో డీఎస్పీనే చెప్పాలి.