సింగం-3 ఇంగ్లీష్ టీజర్ చూస్తారా?

‘సింగం-3’ ఇంగ్లిష్ టీజర్ అనగానే.. ఈ సినిమాను ఇంగ్లీష్ లో కూడా రిలీజ్ చేస్తున్నారేమో అనుకోకండి. సినిమాలో ఉన్న ఇంగ్లిష్ డైలాగులన్నీ కూర్చి.. ఒక టీజర్ తయారు చేసింది ‘సింగం-3’ టీమ్. దాన్నిప్పుడు రిలీజ్ చేసి ఒక ప్రయోగం చేశారు. ఈ సినిమా థియేట్రికల్ ట్రైలర్ రిలీజై రెండు నెలల దాటిపోయింది. నెలన్నర కిందటే రిలీజ్ కావాల్సిన ఈ సినిమా అనివార్య కారణాల వల్ల వాయిదా పడి ఫిబ్రవరి 9న రాబోతున్న నేపథ్యంలో సినిమాకు మళ్లీ హైప్ తీసుకురావడానికి ఏం చేయాలా అని ఆలోచించి.. ఈ ఇంగ్లీష్ టీజర్ రిలీజ్ చేశారన్నమాట. హీరో హీరోయిన్లు.. విలన్.. మిగతా పాత్రధారులు అక్కడక్కడా ఉపయోగించిన ఇంగ్లిష్ డైలాగులతో టీజర్ అంటే కొంచెం కామెడీగానే అనిపిస్తోంది.

ఐతే టీజర్ స్పీడు చూస్తే మాత్రం దిమ్మదిరిగిపోవడం ఖాయం. మామూలుగానే హరి సినిమాలంటే యమ స్పీడుగా ఉంటాయి. ఇక సింగం సిరీస్ లో సినిమాల స్పీడు ఇంకా ఎక్కువ ఉంటుంది. మూడో పార్ట్ గత రెండు భాగాల్ని తలదన్నేలా కనిపిస్తోంది. ఇలాంటి స్పీడ్ ఎడిటింగ్ ఇంతకుముందు ఎన్నడూ చూసి ఉండమేమో. కెమెరా ఒక్క క్షణం ఎక్కడైనా ఆగితే ఒట్టు. నిమిషం టీజర్లో ఎన్నెన్ని షాట్లో. ఈ సినిమా కూడా అలాగే ఉండబోతోందట. మామూలుగా ఒక సినిమాలో 80-100 మధ్య సీన్లుంటాయి. కానీ ‘సింగం-3’లో మాత్రం ఏకంగా 350 దాకా సీన్లుంటాయట. విదేశాల్లో ఉంటూ ఇండియాలో మాఫియాను నడిపించే ఓ ఇంటర్నేషనల్ క్రిమినల్ ను పట్టుకోవడం ‘సింగం-3’లో నరసింహం తీసుకోబోయే టాస్క్. తమిళ.. తెలుగు భాషల్లో 9న ఈ చిత్రం భారీ అంచనాల మధ్య ప్రేక్షకుల ముందుకు రానుంది.



Like Us on Facebook : https://www.facebook.com/Tupakidotcom/