శిరీష్‌.. అఖిల్‌ డ్యాన్స్‌ వేశాడుగా!!

కొత్తగా వస్తున్న కుర్రాళ్ళందరూ డ్యాన్సులతో ఇరదీశాయాలనే స్పిరిట్‌ తోనే వస్తున్నారు. సుధీర్‌ బాబు అయినా.. బెల్లంకొండ శ్రీనివాస్‌ అయినా.. ఇప్పుడు అఖిల్‌ అయినా.. డ్యాన్సుల పరంగా చంపేస్తున్నారంతే. అయితే వీళ్ల తరహాలో అల్లు శిరీష్‌ డ్యాన్స్‌ వేయగలడా? అతనికి అంత సీనుందా? నిజానికి అలాంటి డ్యాన్సులు ట్రై చేయబోనని.. నేను అసలు ట్రైనింగ్‌ కూడా తీసుకోలేదని గతంలో చెప్పుకొచ్చాడు అల్లు శిరీష్‌. అందుకే అల్లు బాబు అంతలా స్టెప్పులు వేయలేడని మనకు తెలుసు. కాని నిన్న అఖిల్‌ తరహాలో డ్యాన్సును వేశాడు తెలుసా? పదండి చూద్దాం.

నిజానికి ఐఫా ఉత్సవం అవార్డు వేడుకలను అల్లు శిరీష్‌ అండ్‌ నవదీప్‌ బాగా మ్యాండిల్‌ చేశారు. జోకులతో నవ్వించారు. సెటైర్లతో వాతావరణాన్ని మాంచి హ్యూమరస్‌ గా మార్చారు. అయితే ఒకానొక సందర్భంలో అఖిల్‌ లా నేను కూడా డ్యాన్సు వేయగలను అంటూ చెప్పుకొచ్చాడు శిరీష్‌. ఎలా బాబూ అంటూ చేసి చూపిస్తానాగు అన్నాడు. సీరియస్‌ గా స్టేజ్‌ మీదకు వెళ్లాడు. వెంటనే మోకాళ్ల మీద కూర్చున్నాడు. నోట్లో ఒక పాల పీక కూడా పెట్టుకున్నాడు. ఈలోపు బ్యాగ్రౌండ్‌ లో చిన్ని తండ్రి నీ చూడక.. అంటూ సిసింద్రీ సినిమాలోని పాట మొదలైంది. ఇంకేముంది.. శిరీష్‌ కూడా అఖిల్‌ లా పాకేసి.. ఇదే అఖిల్‌ డ్యాన్స్‌ అన్నాడు. ప్చ్‌.. యాయ్‌ యాయ్‌.. శిరీష్‌ కూడా వేసేశాడుగా!!