సీతా మహాలక్ష్మి స్టైల్ మార్చేసింది..!

సీతారామం సినిమాతో తెలుగు ప్రేక్షకుల మనసులు దోచిన చిన్నది మృణాల్ ఠాకూర్. బాలీవుడ్ లో ముందు సీరియల్స్ చేసి ఆ క్రేజ్ తో సినిమా ఛాన్సులు అందుకున్న అమ్మడు ఇన్నేళ్ల కెరియర్ లో సీతారామం తో వచ్చిన జోష్ మరే సినిమాకు రాలేదు. సౌత్ లోనే కాదు సీతారామం నార్త్ లో కూడా హిట్ అందుకోవడంతో మృణాల్ కి అక్కడ సూపర్ క్రేజ్ తెచ్చింది.

సీతా మహాలక్ష్మి పాత్ర చేసిన మృణాల్ గ్లామర్ పాత్రలు చేస్తుందా అన్న డౌట్ రాకమానదు. ఇలాంటి డౌటే తెలుగు మేకర్స్ కి వచ్చిందట. అయితే ప్రస్తుతం తనకున్న ఈ క్లాస్ ఇమేజ్ చెడగొట్టుకోలేనని మృణాల్ చెప్పడంతో ఓ స్టార్ హీరో సినిమా మిస్ అయ్యిందట.

అందుకే తన స్టైల్ మార్చేసింది మృణాల్. ఈమధ్య ఒంటి నిండా కప్పుకుని కనిపిస్తున్న మృణాల్ లేటెస్ట్ గా తన స్టైలిష్ మోడ్రన్ లుక్ తో దర్శనమిచ్చింది. ట్రెడిషనల్ లుక్ తోనే కాదు మోడెర్న్ లుక్స్ లో కూడా తనకు తానే సాటి అనిపించుకునేలా ఉంది మృణాల్. లేటెస్ట్ గా మృణాల్ బ్లాక్ కాస్టూం పిక్స్ సోషల్ మీడియాలో వైరల్ గా మారాయి. సీతా మహాలక్ష్మి మార్చిన ఈ స్టైల్ ప్రేక్షకులను ఆకట్టుకుంటుంది. తనలో ఈ యాంగిల్ కూడా ఉందని హింట్ ఇస్తుంది అమ్మడు.

స్టార్ సినిమాల్లో హీరోయిన్స్ గ్లామర్ షో కంపల్సరీ.. అందుకే తను వారి సినిమాల్లో కూడా నటించడానికి సిద్ధం.. ఇక తన స్కిన్ షో కి రెడీ అంటూ గ్రీన్ సిగ్నల్ ఇస్తుంది మృణాల్. ఇప్పటికే తెలుగులో ఒకటి రెండు అవకాశాలు వచ్చినట్టే వచ్చి మిస్ అయ్యాయి. అందుకే ఇక మీదట తన గ్లామర్ షోతో మెప్పించాలని ఫిక్స్ అయ్యింది అమ్మడు. పాత్ర ప్రాధాన్యతను బట్టి గ్లామర్ గా కూడా కనిపించడానికి ఓకే అంటుంది మృణాల్.

సీతారామం ఒక్క సినిమా అమ్మడి ఫేట్ మార్చేసింది. అయితే అంత పెద్ద హిట్ కొట్టినా సరే మృణాల్ కి ఛాన్సులు రాకపోవడం అందరిని ఆశ్చర్యపరుస్తుంది. అయితే అమ్మడు గ్లామర్ షో కి దూరమన్న కారణంతోనే ఇన్నాళ్లు అవకాశాలు రాలేదు. మరి ఇప్పుడు వాటికి కూడా రెడీ అంటుంది కాబట్టి మృణాల్ కి వరుస ఛాన్సులు రావడం కన్ఫర్మ్ అని చెప్పొచ్చు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.