ట్రైలర్ టాక్: మోడరన్ రామాయణం

తేజ దర్శకత్వంలో బెల్లంకొండ సాయి శ్రీనివాస్ హీరోగా కాజల్ అగర్వాల్ జోడిగా నటించిన సీత ట్రైలర్ ఇందాక విడుదల చేశారు. నేనే రాజు నేనే మంత్రి తర్వాత రెండేళ్ళ గ్యాప్ తో దర్శకుడు తేజ తీసిన మూవీ కావడంతో అంచనాలు ఉన్నాయి. ఇక విషయానికి వస్తే ఇందులో మూడు పాత్రలు. అమాయకుడు అయిన రాముడు(సాయి శ్రీనివాస్)ముక్కుసూటితనం పొగరు కలగలిసిన సీత(కాజల్ అగర్వాల్) తను కోరుకున్న దాని కోసం ఎంతకైనా తెగించే రావణాసురుడు(సోను సూద్). ఈ ముగ్గురి మధ్య జరిగే కథే సీత.

సీత కోసం కాచుకుని ఎలాగైనా దక్కించుకోవాలని ఆరాటపడుతున్న సోను సూద్ నుంచి తప్పించుకోవడం కోసం రాముని దొంగ పెళ్లి చేసుకునేందుకు సిద్ధపడిన సీత ఈ పద్మవ్యూహం నుంచి ఎలా తప్పించుకుంది తన ప్రవర్తనే తనను ప్రమాదంలోకి ఎలా నెట్టేసింది తదితర ఆసక్తికరమైన విషయాలతో రూపొందిన కథగా సీత కనిపిస్తోంది

రెగ్యులర్ మాస్ మసాలాలు భిన్నంగా తేజ కాస్త డిఫరెంట్ పాయింట్ ని టచ్ చేసినట్టు కనిపిస్తోంది. సాయి శ్రీనివాస్ సైతం నోట్లో వేలు పెడితే ఏం చేయాలి అనే తరహలో ఛాలెంజ్ అనిపించే పాత్రను చేశాడు. కాజల్ అగర్వాల్ బాడీ లాంగ్వేజ్ టిపికల్ గా అనిపిస్తోంది. స్వార్థానికి ప్రతిరూపంగా సీత రోల్ ని డిజైన్ చేసిన తీరు ఆసక్తికరంగా ఉంది. సోను సూద్ చాలా కాలం తర్వాత విలనీని పండించాడు. తనికెళ్ళ భరణి సోను సూద్ తీన్మార్ రవి ఇలా తారాగణం భారీగానే ఉంది. అనూప్ రూబెన్స్ సంగీతం ఎలివేట్ అయ్యింది. మొత్తానికి ఆధునిక సీత ప్రేమ కథ చాలా కొత్తగా అయితే అనిపిస్తోంది.