త్రివిక్రమ్ పాట్నర్స్.. డజను సినిమాలు!

తెలుగు చిత్ర పరిశ్రమలో ఇటీవల కాలంలో చాలా ఎక్కువ సినిమాలతో ఇండస్ట్రీలో హాట్ టాపిక్ గా మారుతున్న ప్రొడక్షన్ హౌస్ లలో సితార ఎంటర్టైన్మెంట్స్ కూడా ఒకటి. ఎక్కువగా త్రివిక్రమ్ కూడా ఇందులో పాట్నార్ గా ఉంటున్నారు. ఈ నిర్మాణ సంస్థకు అధికారిక బ్యానర్ హారిక హాసిని. త్రివిక్రమ్ దర్శకత్వంలో వరుసగా సినిమాలు చేసుకుంటూ వస్తున్న హారిక హాసిని పెద్ద సినిమాలను నిర్మిస్తూ ఉంటే మరొకవైపు అనుబంధ ప్రొడక్షన్ సంస్థ సీతారా ఎంటర్టైన్మెంట్స్ మీడియం రేంజ్ హీరోలతో అలాగే చిన్న హీరోలతో చిన్న సినిమాలు చేసుకుంటూ ప్రయోగాలు చేస్తోంది.

ఈ సంస్థకు నాగ వంశీ అధినేతగా కొనసాగుతున్న విషయం తెలిసిందే. ఇక హారిక హాసిని బ్యానర్ లో చిన్న బాబు(రాధాకృష్ణ) సినిమాలు చేస్తున్నప్పటికీ అందులో కూడా నాగవంశీ కీలకంగా వ్యవహరిస్తున్నారు. ఈ సంస్థల నుంచి రాబోయే రోజుల్లో మాత్రం చాలా విభిన్నమైన సినిమాలో రాబోతున్నాయి. విడుదలకు సిద్ధంగా ఉన్న సినిమాలు అలాగే త్వరలో విడుదల అయ్యే సినిమాలు ప్రొడక్షన్లో చర్చల్లో ఉన్న సినిమాలు.. ఇలా సంఖ్య మొత్తం పదికి ఎక్కువగానే ఉంటుంది.

ఈనెల అక్టోబర్ 5వ తేదీన స్వాతిముత్యం విడుదలవుతోంది. ఇక మరోవైపు ధనుష్ తో సార్ అనే సినిమా చేస్తున్నారు. అది డిసెంబర్ 2న రానుంది. ఇక మరోవైపు బుట్ట బొమ్మ అనే మరో సినిమా కూడా విడుదల కు రెడీగా ఉంది. ప్రస్తుతం మహేష్ బాబుతో త్రివిక్రమ్ సినిమాను నిర్మిస్తున్నారు. డీజే టిల్లు సీక్వెల్ షూటింగ్ కూడా కొనసాగుతోంది. ఇక ఇదివరకే నవీన్ పోలిశెట్టితో అనగనగా ఒక రాజు అనే ప్రాజెక్టును మొదలుపెట్టారు. రీసెంట్ గా పంజా వైష్ణవ్ తేజ్ 4వ సినిమాను కూడా స్టార్ట్ చేశారు.

మరొక మూడు సినిమాలకు సంబంధించి అనౌన్స్మెంట్ కూడా చేయబోతున్నారు. ముఖ్యంగా నందమూరి బాలకృష్ణ తో ఓ ప్రాజెక్ట్ కోసం ఇప్పటికే అగ్రిమెంట్ చేసుకున్నారు. అలాగే రవితేజ కూడా గ్రీన్ సిగ్నల్ ఇచ్చాడు. కాకపోతే ఈ హీరోలతో ఇంకా దర్శకుడు కథ ఏమిటి అనేది ఫైనల్ కాలేదు. ఇక జూనియర్ ఎన్టీఆర్ క్లోజ్ ఫ్రెండ్ కాబట్టి ఎన్టీఆర్ బావమరిది నితిన్ కూడా ఇండస్ట్రీకి పరిచయం చేయబోతున్నారు. సంతోష శోభన్ అలాగే మరో అప్ కమింగ్ హీరో తో కూడా సీతారా ఎంటర్టైన్మెంట్ లో ఒక చిన్న సినిమా చేయబోన్నారు. ఇలా మొత్తంగా లిస్టులో సితార హారిక హాసిని డజనుకు పైగా సినిమాలను లైన్లో పెట్టింది.