పింక్ లో సీతా పాప సో క్యూట్ లుక్

మ‌హేష్‌-న‌మ్ర‌త‌ల గారాల ప‌ట్టి సితార సోష‌ల్ మీడియాలో ఎంత యాక్టివ్ గా ఉంటుందో చెప్పాల్సిన ప‌నిలేదు. పండుగ‌లు..వేడుక‌లు వ‌చ్చాయంటే సీతా పాపా ఇన్ స్టా స‌హా సొంత చానెల్లో చేసే సంద‌డి అంతా ఇంతా కాదు. డాడ్ మ‌హేష్ ని సైతం ఇంట‌ర్వ్యూ చేసే స్థాయికి ఎదిగేసింది సితార‌. తాజాగా సితార కొత్త ఫోటో షూట్ ఒక‌టి ఇన్ స్టాలో వైర‌ల్ గా మారింది. న్యూ ఇయ‌ర్ సెల‌బ్రేష‌న్స్ లో భాగంగా సితార స‌మ్ థింగ్ స్పెష‌ల్ గా క‌నిపిస్తూ క‌ళ్ల‌న్నీ త‌న‌వైపుకు తిప్పేసుకుంటోంది.

టాప్ లో మెటాలిక్ షీన్ పెప్ల‌మ్ ర్యాప్ ప్యాట‌ర్ .. బాట‌మ్ లో పిస్తా ప‌చ్చ‌ని టుటు స్క‌ర్ట్ తో పింక్ బ్యాక్ గ్రౌండ్ లో ఎంతో మిరుమిట్ల‌తో క‌నిపిస్తోంది సితార‌. సీతాపాప‌ క్యూట్ లుక్ ఎంతో ఆక‌ట్టుకుంటోంది. వేరొక ఫోటోగ్రాఫ్ లో పారాసోల్ లెస్ గొడుగుతో కెమెరాకి ఫోజులివ్వ‌డం మ‌రింత ఆక‌ర్ష‌ణను తీసుకొచ్చింది. సితార క‌ర్లీ హెయిర్ మ‌రింత‌గా మెరుపుల్ని పెంచింద‌నే చెప్పాలి. అలాగే మ్యాచింగ్ షూస్ లుక్ ని పూర్తిగా మార్చేసాయి. ప్ర‌స్తుతం ఈ ఫోటో నెట్టింట వైర‌ల్ గా మారింది. మ‌హేష్ అభిమానులు సీతా పాపను క్యూట్ లుక్ లో చూసుకుని మురిసిపోతున్నారు. హీరోయిన్ ఫీచ‌ర్స్ ఇప్పుడిప్పుడే సితారలో బ‌య‌ట‌ప‌డుతున్న‌ట్టున్నాయే! అంటూ ఓ నెటిజ‌న్ సంభ్ర‌మాశ్చ‌ర్యాల‌కు లోన‌య్యాడు.

ప్ర‌స్తుతం మ‌హేష్ ఫ్యామిలీ దుబాయ్ వెకేష‌న్ లో ఉంది. మ‌హేష్- త్రివిక్ర‌మ్ కాంబో కొత్త సినిమా తొలి షెడ్యూల్ దుబాయ్ లో జ‌రుగుతోంది. దీనిలో భాగంగా డిసెంబ‌ర్ 31 వేడుక‌లు ఫ్యామిలీతో సెల‌బ్రేట్ చేసుకోవ‌డానికి అంతా దుబాయ్ వెళ్లిపోయారు. ఇప్ప‌టికే దూబాయ్ లో కుమార్తెతో మ‌హేష్ దిగిన కొన్ని ఫోటోలు నెట్టింట వైర‌ల్ అయిన సంగ‌తి తెలిసిందే. ఉద‌యం మంచి బ్రేక్ ఫాస్ట్ కోసం తండ్రి-కుమార్తెలు క‌లిసి వెళుతున్న ఫోటో అది. మ‌రి సితార కొత్త ఫోటో సెష‌న్ దుబాయ్ నుంచా? లేక ఇది త్రోబ్యాక్ ఫోటో షూట్ నా? అన్న‌ది క్లారిటీ రావాల్సి ఉంది. మ‌హేష్ న‌టించిన సర్కార్ వారి పాట 2022 ప్ర‌థ‌మార్థంలో విడుద‌ల కానుంది. ప‌ర‌శురామ్ ఈ చిత్రానికి ద‌ర్శ‌క‌త్వం వ‌హించారు.