డాడ్‌ తో సితార డ్యాన్సింగ్ మెరుపులు

సూప‌ర్‌ స్టార్ మ‌హేష్‌కి ఎంత‌మంది ఫ్యాన్స్ ఉన్నారో అంత‌మంది అభిమానులు క్యూట్ సితార‌కు ఉన్నారు. ఈ ల‌వ్ లీ చ‌బ్బీ గాళ్ సామాజిక మాధ్య‌మాల్లో చేసే సంద‌డికి వీరాభిమానులున్నారు. మామ్ న‌మ్ర‌త శిరోద్క‌ర్ సితార ప్ర‌తి యాక్టివిటీని అభిమానుల‌కు ఫోటోలు - వీడియోల రూపంలో షేర్ చేస్తూనే ఉన్నారు. యాంజెల్ సితార ప్ర‌తి పండ‌గ‌కు చేసే సంద‌డి మామూలుగా ఉండ‌దు. గ‌ణ‌ప‌తి బ‌ప్పా - క్రిస్మ‌స్ - సంక్రాంతి - ద‌స‌రా ... పండ‌గ ఏదైనా సితార చేసే సంద‌డి ఆషామాషీగా ఉండ‌దు. కాల‌నీలో ఫ్రెండ్స్ తో క‌లిసి సితార ఒక‌టే అల్ల‌రి చేసేస్తుంటుంది. త‌న‌కు సంబంధించిన ప్ర‌తి ఫోటో/ వీడియోని న‌మ్ర‌త రెగ్యుల‌ర్ బేసిస్ లో ఇన్‌స్టాగ్ర‌మ్ లో షేర్ చేస్తూనే ఉన్నారు.

తాజాగా మ‌రో వీడియో సామాజిక మాధ్య‌మాల్లోకి వ‌చ్చింది. డాడ్ మ‌హేష్ తో క‌లిసి కొత్త సంవ‌త్స‌ర వేడుక‌ల్లో సితార డ్యాన్సులు వేసి మైమ‌రిపించింది. త‌న‌ చేతిని ప‌ట్టుకుని డ్యాన్సులు చేస్తున్న సితార‌ను చూస్తూ మ‌హేష్ ఎంతో అబ్బుర‌ప‌డిపోవ‌డం క‌నిపిస్తోంది ఈ వీడియోలో. ఈసారి కూడా త‌న ఫేవ‌రెట్ స్పాట్ దుబాయ్‌లో మ‌హేష్ ఫ్యామిలీ ఎన్‌ వై ఈ సెల‌బ్రేష‌న్స్ చేసుకున్నారు.

ఇక సెల‌బ్రేష‌న్ ముగించి, తిరిగి మ‌హర్షి షూటింగ్ లో మ‌హేష్ బిజీ అయిపోతారు. కొత్త సంవ‌త్స‌రం కానుక‌గా రిలీజ్ చేసిన‌ మ‌హ‌ర్షి న్యూ లుక్ కి అద్భుత స్పంద‌న వ‌చ్చిన‌ సంగ‌తి తెలిసిందే. మ‌హేష్ అల్ట్రా మోడ్ర‌న్ కార్పొరెట్ గురూ లుక్ లో మైమ‌రిపించారు. వంశీ పైడిప‌ల్లి ద‌ర్శ‌క‌త్వం వ‌హిస్తున్న ఈ చిత్రాన్ని దిల్ రాజు- అశ్వ‌నిద‌త్- పీవీపీ నిర్మిస్తున్నారు. స‌మ్మ‌ర్‌లో మ‌హర్షి ట్రీట్ ఉంటుంద‌ని ప్ర‌క‌టించిన సంగ‌తి తెలిసిందే.