బాబోయ్‌.. సితార చిచ్చర పిడుగు

మహేష్‌ బాబు కూతురు గురించి తరచుగా సోషల్‌ మీడియాలో ఏదో ఒక ఫొటో లేదా వీడియో వైరల్‌ అవుతూనే ఉంటుంది. తాజాగా మరో వీడియోతో సితార సోషల్‌ మీడియాలో సందడి చేస్తోంది. మహేష్‌ బాబు భార్య నమ్రత స్వయంగా పోస్ట్‌ చేసిన ఈ వీడియోలో సితార చిచ్చర పిడుగులా కనిపిస్తోంది. కొందరు బాబోయ్‌ మహేష్‌ కూతురు గయ్యాలి అంటూ కామెంట్స్‌ చేస్తున్నారు. తనకు ఇష్టం లేని మాట మాట్లాడినా, ఇష్టం లేని పని చేసినా కూడా ఎంత సీరియస్‌ గా నో... అంటూ వార్నింగ్‌ ఇస్తుందో ఈ వీడియోలో చూడవచ్చు.

సితార చాలా యాక్టివ్‌ అనే విషయం గతంలోనే నిరూపితం అయ్యింది. అవార్డు వేడుక స్టేజ్‌ పైన సితార సందడి చేయడంతో పాటు, పలు యాక్టివిటీస్‌ లో పాల్గొంటూ క్యూట్‌ గా స్మైల్‌ ఇస్తూ అలరించడం మనం చూశాం. తాజాగా సితారలోని యాంగ్రీ యాంగిల్‌ ను నమ్రత సోషల్‌ మీడియా ద్వారా షేర్‌ చేసింది. తన కూతురు అప్పుడే పెద్దది అవుతుందని, సితారను చూస్తుంటే ఆమె మాటలు వింటూ ఉంటే నాకు గత జ్ఞాపకాలు గుర్తుకు వస్తున్నాయంటూ నమ్రత పోస్ట్‌ చేసింది.

మహేష్‌ ఎంత బిజీగా ఉన్నా కూడా పిల్లలకు వీలైనంత ఎక్కువ సమయంను కేటాయిస్తూనే ఉంటాడు. ఇక మహేష్‌ బాబు భార్య నమ్రత పూర్తిగా ఒక గృహిణిగా తల్లి పాత్రను పోషించి వారిని మంచి పౌరులుగా తీర్చి దిద్దుతోంది. గౌతమ్‌ మరియు సితారలను చూస్తుంటే చాలా సింపుల్‌ గా అనిపిస్తారు. పిల్లలను సింప్లిసిటీగా పెంచుతూ ఒక తల్లిగా తన బాధ్యతను నిర్వర్తిస్తూ వస్తుంది. ముందు ముందు ఈ చిచ్చర పిడుగును ఎలా చూడాల్సి వస్తుందో..!