సితార స్పెషల్‌ బర్త్‌ డే.. మహేష్‌ స్పెషల్ విషెష్‌

సూపర్‌ స్టార్‌ మహేష్ బాబు తో పాటు ఆయన కుటుంబ సభ్యులు అంతా కూడా చాలా పాపులర్ అనే విషయం ప్రత్యేకంగా చెప్పనక్కర్లేదు. ముఖ్యంగా సితార గురించి ఏ స్థాయిలో సోషల్‌ మీడియాలో ట్రెండ్స్ కొనసాగుతున్నాయో మనం చూస్తూనే ఉన్నాం. ఇప్పటికే హీరోయిన్ రేంజ్ లో గుర్తింపును.. స్టార్‌ డమ్‌ ను.. పాపులారిటీని దక్కించుకున్న సితార పుట్టిన రోజు నేడు.

ఈ పుట్టిన రోజు సితార కు చాలా స్పెషల్‌. ఆమె పదో సంవత్సరంలో అడుగు పెట్టింది. పదవ పుట్టిన రోజు చాలా స్పెషల్‌ అంటూ మహేష్ బాబు అభిమానులు సితార కు పెద్ద ఎత్తున శుభాకాంక్షలు తెలియజేస్తు ఉన్నారు. ఎవరు ఎన్ని శుభాకాంక్షలు తెలియజేసిన మహేష్ బాబు ఎలా తన గారాల పట్టి కి శుభాకాంక్షలు తెలియజేస్తాడా అని అంతా ఆసక్తిగా ఎదురు చూశారు.

మహేష్ బాబు ట్వీట్‌ చేయనే చేశాడు.. అప్పుడే పదేళ్లు అంటూ తన ఆనందం ను వ్యక్తం చేస్తూ తన ప్రపంచం లోని అత్యంత ప్రకాశవంతమైన నక్షత్రం అయిన సితారకు పుట్టిన రోజు శుభాకాంక్షలు అంటూ చాలా స్పెషల్‌ బర్త్‌ డే విషెష్‌ ను మహేష్ బాబు ట్విట్టర్ ద్వారా తెలియజేసి ఈ ఫోటోను షేర్‌ చేశాడు.

సితార గురించి మహేష్‌ ఎప్పుడు ట్వీట్‌ చేసినా కూడా చాలా హైప్ ఉంటుంది. తన ప్రేమ అంతటిని ఆ ట్వీట్‌ లో చూపిస్తూ ఉంటాడు. ఇప్పుడు కూడా సితార గురించి ఆయన తన ప్రపంచంలోని ప్రకాశవంతమైన నక్షత్రం అంటూ పోల్చి శుభాకాంక్షలు చెప్పడంతో ఆ ట్వీట్ కాస్త వైరల్ అవుతోంది.

మహేష్ బాబు మాత్రమే కాకుండా సితారకు తల్లి నమ్రత మరియు అన్న గౌతమ్‌ కృష్ణ కూడా శుభాకాంక్షలు తెలియజేశారు. ఇండస్ట్రీకి చెందిన ప్రముఖులు కూడా సితూ పాపకు పుట్టిన రోజు శుభాకాంక్షలు తెలియజేశారు. ఇక సీతూ పాప వెండి తెర ఎంట్రీ కోసం అభిమానులు వెయిట్‌ చేస్తున్నారు.

ఆ మధ్య సర్కారు వారి పాట సినిమా లోని ఒక లిరికల్ వీడియో లో కనిపించిన సీతూ పాప పూర్తి స్థాయి సినిమా లో ఎప్పుడు కనిపిస్తుందో చూడాలి. సీతూ పాపకు మా తరపున కూడా పుట్టిన రోజు శుభాకాంక్షలు తెలియజేస్తున్నాం. మహేష్ బాబు.. కృష్ణ గారి ఫ్యాన్స్ గర్వించేలా సితార ఎదగాలని ఆశిస్తున్నాం.