క్రేజీ ప్రాజెక్ట్స్ తో ఫుల్ రైజింగ్ లో ఉన్న ప్రముఖ నిర్మాణ సంస్థ..!

టాలీవుడ్ లో ఈ మధ్య వరుసగా సక్సెస్ ఫుల్ సినిమాలను అందిస్తూ మంచి నిర్మాణ సంస్థగా పేరు తెచ్చుకుఉన్నాయి హారిక అండ్ హాసిని క్రియేషన్స్ మరియు దాని అనుబంధ సంస్థ సితార ఎంటర్టైన్మెంట్స్. ఒకవైపు స్టార్ హీరోలతో సినిమాలు తీస్తూనే మరోవైపు ఎప్పటికప్పుడు ఇండస్ట్రీకి కొత్త టాలెంట్ ని పరిచయం చేస్తోంది. కొత్త కథలను వెండితెర మీదకు తీసుకొస్తూ మంచి అభిరుచి గల ప్రొడక్షన్ హౌసెస్ అనిపించుకున్నాయి. ఈ ఏడాది ప్రారంభంలో హారిక అండ్ హాసిని క్రియేషన్స్ బ్యానర్ పై 'అల‌ వైకుంఠ‌పురంలో'.. సితార ఎంటర్టైన్మెంట్స్ పతాకంపై 'భీష్మ' సినిమాలతో బ్లాక్ బస్టర్ హిట్స్ అందుకున్నారు. ఇదే ఊపుతో ప్రస్తుతం ఈ బ్యాన‌ర్ లో రాధాకృష్ణ(చినబాబు) మరియు సూర్యదేవర నాగవంశీ కలిసి వరుసగా సినిమాలను లైన్లో పెడుతూ ఫుల్ రైజింగ్ లో ఉన్నారు.

ప్రస్తుతం వీరు నిర్మిస్తున్న సినిమాల జాబితా చూసుకుంటే చాలా పెద్దదే ఉంది. వెంకీ అట్లూరి దర్శకత్వంలో యూత్ స్టార్ నితిన్ తో 'రంగ్ దే' అనే ఫ్యామిలీ ఎంటర్టైనర్ ని రూపొందిస్తున్నారు. అలానే విమల్ కృష్ణ ని దర్శకుడిగా పరిచయం చేస్తూ టాలెంటెడ్ యాక్టర్ సిద్ధు జొన్నలగడ్డతో 'నరుడి బ్రతుకు నటన' సినిమా చేస్తున్నారు. వీటితో పాటు యువ హీరో నాగ‌శౌర్యతో చేస్తున్న సినిమా షూటింగ్ దశలో ఉంది. ఇటీవలే పవర్ స్టార్ పవన్ కళ్యాణ్ తో సినిమా చేస్తున్నట్లు అనౌన్స్ చేశారు. 'అయ్యప్పనుమ్ కోశియుమ్' చిత్రానికి రీమేక్ గా వస్తున్న ఈ ప్రాజెక్ట్ కి సాగర్ కె.చంద్ర డైరెక్షన్ చేస్తారు. అలానే యంగ్ టైగర్ ఎన్టీఆర్ - త్రివిక్రమ్ శ్రీనివాస్ కాంబినేషన్ లో తెరకెక్కనున్న మూవీని ఎన్టీఆర్ ఆర్ట్స్ తో కలిసి నిర్మిస్తున్నారు. ఇక మాస్ కా దాస్ విశ్వ‌క్ సేన్ తో ఓ మ‌ల్టీస్టార‌ర్ ప్లాన్ చేస్తున్నట్లు తెలుస్తోంది. నేచురల్ స్టార్ నాని హీరోగా నటిస్తున్న 'శామ్ సింగ రాయ్' నుంచి మెయిన్ ప్రొడ్యూసర్స్ గా తప్పుకున్నప్పటికీ అందులో వాటా కలిగి ఉన్నారని టాక్. ఈ మధ్య వార్తల్లో నిలిచిన రామ్ పోతినేని - త్రివిక్ర‌మ్ కాంబో సినిమాని కూడా వీరే ప్రొడ్యూస్ చేస్తున్నారట. ఇలా దాదాపుగా 8 సినిమాలు లైన్ లో పెట్టారు. ఈ క్రేజీ ప్రాజెక్ట్స్ లో కొన్ని హిట్ అయినా వీరు ఇండ‌స్ట్రీలో కీ ఫిలిం మేక‌ర్స్ గా రెడీ అయిన‌ట్లేనని చెప్పవచ్చు.