మరో టివి షోలో బిగ్ బాస్ విన్నర్

టాలీవుడ్ కళా రంగంలో మార్పులు చాలానే వచ్చాయని చెప్పాలి. ఈ ఐదేళ్లలో సినీ పరిశ్రమ మార్కెట్ కూడా చాలా పెరిగిపోయింది. ఇక బుల్లి తెర మార్కెట్ రేంజ్ కూడా చాలా పెరిగిపోతోంది. ప్రతి రోజు క్రియేటివితో నడిచే బుల్లి తెరలు అన్ని పోటీ పడి మరి రేటింగ్ కోసం పరిగెత్తుతున్నాయి. ఇటీవల నార్త్ లో పాపులరైన బిగ్ బాస్ షో తెలుగులో బాగానే ఆదరణ దక్కించుకుందని చెప్పాలి.

స్టార్ హీరో తారక్ తన వ్యాఖ్యానంతో అలరిస్తే అందులో పార్టిసిపెంట్స్ కూడా ఎవరి స్థాయిలో వారు మెప్పించారు. ముఖ్యంగా ఆ షో తర్వాత కొందరు చాలా ఫేమస్ అయ్యారు. బిగ్ బాస్ మొదటి సీజన్ విజేత శివ బాలాజీకి కూడా మంచి ఇమేజ్ వచ్చింది. ప్రస్తుతం సినీ ఫీల్డ్ లో మంచి ఆఫర్స్ ని కూడా దక్కించుకుంటున్నాడు. అయితే ఈ నటుడు మరో షోలో వైల్డ్ కార్డ్ ఎంట్రీ ఇవ్వనున్నాడు. స్టార్ మా ప్రస్తుతం నీతోనే డ్యాన్స్ అనే రియాలిటీ డ్యాన్స్ షోను చేస్తోన్న సంగతి తెలిసిందే.

ప్రస్తుతం ఈ షోకి మంచి రేటింగ్ కూడా వస్తోంది. బుల్లి తెర కపుల్స్ వారి డ్యాన్సులతో మెప్పిస్తున్నారు. అయితే శివబాలాజీ అతని సతీమణి మధుమిత కూడా అందులో వైల్డ్ కార్డ్ ద్వారా ఎంట్రీ ఇచ్చి వారి సత్తాను చూపించడానికి రెడీ అవుతున్నారు. ప్రస్తుతం పోటా పోటీగా సాగుతున్న ఈ షోలో వారు ఎంతవరకు నిలదొక్కుకుంటారో చూడాలి.