నాగార్జున రచయితగా మారతాడా?

కామాక్షి ఆర్ట్స్ అధినేత డీ. శివప్రసాద్ రెడ్డి రెండు రోజుల క్రితం కాలం చేసిన విషయం తెలిసిందే. అయన అక్కినేని నాగార్జునకు సన్నిహిత మిత్రుడు. నాగార్జునతో 11 సినిమాలు నిర్మించాడంటేనే మనం నాగార్జునకు ఆయనకు ఉన్న అనుబంధం ఎలాంటిదో అర్థం చేసుకోవచ్చు.

శివప్రసాద్ రెడ్డి 'రగడ'.. 'దడ' సినిమాల పరాజయం తర్వాత అయన సినీ నిర్మాణానికి దూరంగా ఉన్నాడు. అప్పుడే చెన్నై కి కూడా షిఫ్ట్ అయ్యాడట. రెండేళ్ళ క్రితం అయన ఒక పుస్తకం రాయడానికి సంకల్పించాడు. నాగార్జునతో తనకున్న అనుబంధం.. తమ మధ్య జరిగిన మరపురాని సంఘటనలు.. ఒడిదుడుకులు.. కలిసి చేసిన సినిమాల విశేషాలతో ఈ పుస్తకం రాయడం మొదలు పెట్టాడు. ఈ పుస్తకాన్ని నాగార్జున 60 వ పుట్టిన రోజుకు ఆవిష్కరించాలన్నది అయన కోరిక. కానీ ఇప్పటివరకూ ఆ పుస్తకం 70% మాత్రమే పూర్తయిందట. కానీ ఇప్పుడు అయన లోకాన్ని వీడడంతో ఆ పుస్తక రచన మధ్యలోనే ఆగింది.

ఈ బుక్ సంగతి నాగార్జునకు కూడా తెలుసట. దీంతో ఈ పుస్తకాన్ని పూర్తి చేసేందుకు నాగార్జున ముందుకు రావచ్చని.. ఇది నాగార్జున తన స్నేహితుడికి ఇచ్చే ఘనమైన నివాళిగా ఉంటుందని ఫిలిం సర్కిల్స్ లో టాక్ వినిపిస్తోంది.