ఎస్.కె సెకెండ్ ప్రాజెక్ట్ లాక్డ్..బంగార్రాజుకి ఛాన్స్!

కోలీవుడ్ హీరోలు తెలుగు మార్కెట్ పై క‌న్నేసిన సంగ‌తి తెలిసిందే. విజ‌య్..ధ‌నుష్ ఇప్ప‌టికే తెలుగు సినిమాల‌కు క‌మిట్ అయ్యారు. సూర్య సైతం స‌రైన క‌థ కుదిరితే భారీ సినిమా చేయాల‌ని వెయిట్ చేస్తున్నాడు. ఇక బ్ర‌ద‌ర్ కార్తీ ఇప్ప‌టికే ఊపిరి సినిమాతో లాంచ్ అయ్యాడు. త‌న త‌మిళ్ సినిమాలేవైనా తెలుగులో అనువాద రూపంలో ఎలాగూ మెప్పిస్తున్నాయి.

అలాగే శివ కార్తికేయ‌న్ కూడా ఇప్ప‌టికే కొన్ని అనువాద చిత్రాల‌తో టాలీవుడ్ ఆడియ‌న్స్ ని మెప్పించాడు. `కౌశ‌ల్య కృష్ణ‌మూర్తి`లో కీల‌క పాత్ర‌లోనూ ఆక‌ట్టుకున్నాడు. ఆ త‌ర్వాత రిలీజ్ అయిన `డాక్ట‌ర్ జి`..`డాన్`వంటి చిత్రాల‌తోనూ మెప్పించాడు. తాజాగా ఈ యంగ్ హీరో తెలుగులో లాంచ్ అవుతోన్న సంగ‌తి తెలిసిందే. ఎస్. కె 20 టైటిల్ తో తెర‌కెక్కుతున్న ఈ చిత్రానికి `జాతిర‌త్నాలు` ఫేం అనుదీప్ కె.వి ద‌ర్శ‌క‌త్వం వ‌హిస్తున్నాడు.

తెలుగు..త‌మిళ్ భాష‌ల్లో ఈ చిత్రాన్ని చేయ‌బోతున్న‌ట్లు తెలుస్తోంది. తాజాగా యంగ్ హీరో రెండ‌వ ప్రాజెక్ట్ కూడా క‌న్ప‌మ్ చేసుకున్నాడు. ఈ చిత్రానికి క‌ళ్యాణ్ కృష్ణ ద‌ర్శ‌క‌త్వం వ‌హిస్తున్న‌ట్లు స‌మాచారం. కే.ఇ. జ్ఞాన్ వేల్ రాజా ఈ చిత్రాన్ని ప్ర‌తిష్టాత్మ‌కంగా నిర్మిస్తున్న‌ట్లు తెలుస్తుంది. ఏకంగా 20 కోట్ల పారితోషికం అందుకునే ఈ సినిమా చేస్తున్నాడు? అన్న‌ది ఇప్పుడు నెట్టింట సంచ‌ల‌నంగా మారింది.

ఇంకా ఒక్క స్ర్టెయిట్ సినిమా కూడా రిలీజ్ కాకుండానే 20 కోట్ల పారితోషికం అందుకుంటున్నాడా? అన్న‌దే సందేహంగా మారింది. అటు కోలీవుడ్ లోనూ శివ కార్తికేయ‌న‌క్ ఇప్పుడిప్పుడే ఎదుగుతున్నాడు. ప‌దేళ్ల ప్ర‌యాణంలో ఎన్నో ఎత్తు ప‌ల్లాలు చూసాడు.టీవీ న‌టుడిగా ప్రారంభ‌మై వెండి తెర‌కు ప్ర‌మోట్ అయి అంచ‌లంచెలుగా ఎదిగాడు.

హీరోగా స‌క్సెస్ అయిన త‌ర్వాత కొన్ని సినిమాలు నిర్మాణం చేసాడు. డ‌బ్బింగ్ ఆర్టిస్ట్ గా..ప్లే బ్యాక్ సింగ‌ర్ గానూ స‌త్తా చాటాడు. ఇలా త‌న లో మ‌ల్టీ ట్యాలెంట్ ని ఛాన్స్ దొరిక‌న‌ప్పుడ‌ల్లా చాటాడు. ఇప్పుడు ఏకంగా తెలుగులోనూ బిగ్ స్కేల్ చిత్రాల‌తో లాంచ్ అవ్వ‌డం గ‌ర్వించ‌ద‌గ్గ విష‌యం. ట్యాలెంట్ ఉన్నోడికి స‌క్సెస్ ఆల‌స్య‌మైనా? ఏదోఒక సంద‌ర్భంలో అది బ్లాస్ట్ అవుతుంద‌న్న‌ది మ‌రోసారి గుర్తు చేసుకోవాలి.