థియేటర్ లో 'ప్రిన్స్' హంగామా.. శివకార్తీయన్ డ్యాన్స్ వీడియో వైరల్..

కోలీవుడ్ స్టార్ హీరో శివ కార్తీకేయన్ తాజా చిత్రం ‘పిన్స్’. ద్విభాషా చిత్రం విడుదలైన తెరకెక్కిన ఈ మూవీ నేడు ప్రపంచ వ్యాప్తంగా విడుదలైంది. దీంతో ఉదయం నుంచే థియేటర్ల ముందు ‘పిన్స్’ అభిమానుల హంగామా మొదలైంది. అయితే శివ కార్తీకేయన్ సైతం తానేమీ తక్కువ తినలేదు అన్నట్లుగా ఈరోజు ఉదయాన్నే చైన్నెలోని రోహిణి సిల్వర్ స్క్రీన్స్ థియేటర్ కు వెళ్లిపోయాడు. అక్కడే అభిమానులతో కలిసి ‘పిన్స్’ మూవీని తిలకించాడు.

ఈ మూవీ ప్రమోషన్స్ లో భాగంగా ‘పిన్స్’ నుంచి బింబిలిక్కి అనే పాటను గతంలోనే విడుదల చేశారు. థమన్ సంగీతం అందించిన ఈ పాట సోషల్ మీడియాను షేక్ చేసింది.

తాజాగా ఇదే పాటకు శివ కార్తికేయన్ థియేటర్లలో డాన్స్ చేశాడు. ఫ్యాన్స్ ఉత్సాహపరుస్తూ చేతులు ఊపడంతో అభిమానులు సైతం బింబిలిక్కి పాటకు గొంతు కలిపారు. దీంతో థియేటర్ మొత్తం బింబిలిక్కి పాటతో హోరెత్తింది.

ఇక శివకార్తికేయన్ నటిస్తున్న తొలి తెలుగు మూవీ ‘పిన్స్’ మూవీనే కావడం విశేషం. ఉదయం నుంచి ఈ సినిమాకు పాజిటివ్ టాక్ వస్తుండటంతో మూవీ మేకర్స్ సైతం సంతోషం వ్యక్తం చేస్తున్నారు. కాగా ‘పిన్స్’ మూవీలో శివ కార్తీకేయన్ కు జోడిగా ఉక్రెయిన్ బ్యూటీ మరియా ర్యాబోషప్క నటించింది. ఆమె అందచందాలు సైతం ఈ సినిమాకు ప్లస్ అయ్యేలా ఉందనే టాక్ విన్పిస్తోంది.

‘పిన్స్’ మూవీకి అనుదీప్ కేవీ దర్శకత్వం వహించగా థమన్ అదిరిపోయే సంగీతం అందించాడు. కామెడీ ఎంటటైనర్ గా తెరకెక్కిన ఈ మూవీని శ్రీ వేంకటేశ్వర సినిమాస్ ఎల్‌ఎల్‌పీ, సురేష్ ప్రొడక్షన్స్, శాంతి టాకీస్ లు సంయుక్తంగా నిర్మించారు. సత్యరాజ్, ప్రేమి తదితరులు ‘పిన్స్’ మూవీలో కీలక పాత్రల్లో నటించారు. ప్రస్తుతం శివ కార్తీకేయన్ డాన్స్ వీడియో మాత్రం నెట్టింట్లో వైరల్ గా మారింది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.