సాఫ్ట్ వేర్ హీరో చేతిలో కత్తి

టీవీ యాంకర్ నుంచి స్టార్ హీరో ఇమేజ్ వరకు ఎదిగిన కోలీవుడ్ కుర్రాడు శివ కార్తికేయన్. రెమో అంటూ గతేడాది టాలీవుడ్ జనాలను కూడా ఆకట్టుకునేందుకు ప్రయత్నించాడు కానీ అంతగా సక్సెస్ కాలేకపోయాడు. ఇప్పుడీ హీరో కొత్త సినిమా ఆసక్తి కలిగిస్తోంది. తాజాగా వలైక్కారన్ ఫస్ట్ లుక్ ను ఇచ్చాడు శివకార్తికేయన్.

హీరో పాత్ర ఓ సాఫ్ట్ వేర్ అని అర్ధమవుతూనే ఉంది. చక్కగా ఫార్మల్స్ వేసుకుని.. నీటుగా ఇన్ షర్ట్ చేసుకుని.. చేతిలో ల్యాప్ టాప్ బ్యాక్ పట్టుకుని.. మెడలో ఐడెంటిీట కార్డ్ వేసుకున్న శివకార్తికేయన్ పోస్టర్ ను ఫస్ట్ లుక్ గా ఇచ్చారు. అయితే.. షర్ట్ మీద కనిపిస్తున్న ఎర్రటి రక్తం.. ఎడమ చేతిలో నెత్తురోడుతున్న కత్తిని చూస్తే మాత్రం.. దర్శకుడు ఇంకేదో చెప్పాలని అనుకుంటున్నాడని అర్ధమవుతుంది. హీరోకు ఒకవైపు పోష్ లొకాలిటీ.. మరోవైవు కనిపిస్తున్న గుడిసెలు చూస్తుంటే.. పేద గొప్ప అంతరాన్ని పాయింట్ ను తీసుకున్నాడని అర్ధం చేసుకోవచ్చు. వేలైక్కారన్ అంటే సర్వెంట్ అని అర్ధం.

తెలుగులో రామ్ చరణ్ చేసిన ధృవకు మాతృక అయిన తని ఒరువన్ తో.. భారీ బ్లాక్ బస్టర్ కొట్టిన దర్శకుడు మోహన్ రాజా. గతంలో రీమేక్ మూవీస్ చేయిన ఈయన.. ఇప్పుడు సొంత కథలతోనే ఆకట్టుకుంటున్నాడు. శివకార్తికేయన్ తో వేలైక్కారన్ చేస్తున్నాడు మోహన్ రాజా. ఈ చిత్రంలో నయనతార హీరోయిన్ గా నటిస్తుండడం విశేషం.


Like Us on Facebook : https://www.facebook.com/Tupakidotcom/