ద‌ళ‌ప‌తి బీస్ట్ కోసం పాట రాస్తున్న శివ‌కార్తికేయ‌న్‌

త‌మిళ స్టార్ హీరో శివ కార్తికేయన్ ఆల్ రౌండ‌ర్ ప్ర‌తిభ గురించి చెప్పాల్సిన ప‌నే లేదు. న‌టుడు ర‌చ‌యిత ద‌ర్శ‌కుడు నిర్మాత అన్ని క్వాలిటీస్ అతడిలో ఉన్నాయి. పాట‌ల ర‌చ‌యిత‌గానూ సుప‌రిచితం. దర్శకుడు నెల్సన్ దిలీప్ కుమార్ కి అత్యంత‌ సన్నిహితుడు. ఇద్దరూ చాలా కాలంగా మంచి స్నేహితులు. శివ కార్తికేయన్ మొదటి నుండి నెల్సన్ దర్శకత్వం వహించిన ప్రతి సినిమాలో భాగ‌స్వామిగా ఉన్నాడు. నెల్సన్ తొలి చిత్రం కొలమావు కోకిల కోసం శివ కార్తికేయన్ కల్యాణ వయసు అనే పాటను రాశారు. అనిరుధ్ రవిచందర్ దీనికి సంగీతం సమకూర్చారు. ఈ ముగ్గురు డాక్టర్ కోసం మరోసారి జతకట్టారు. శివ కార్తికేయన్ ఇందులో ప్రధాన పాత్రలో నటించారు. సినిమాలో అన్ని పాటలను కూడా రాశారు. డాక్టర్ అతి త్వరలో తెరపైకి రాబోతున్నాడు.

ప్రస్తుతం నెల్సన్ తన మూడవ దర్శకత్వ చిత్రం బీస్ట్ పనిలో బిజీగా ఉన్నాడు. ఇందులో తలపతి విజయ్ ప్రధాన పాత్రలో నటిస్తున్నాడు. కోలీవుడ్ వర్గాలు శివ కార్తికేయన్ ఈ సినిమాలో కొన్ని పాటలకి లిరిక్స్ రాస్తారని అంటున్నారు. దీని గురించి అధికారిక ధృవీకరణ లేనప్పటికీ యూనిట్ వర్గాలు ఈ వార్త నిజమని పేర్కొన్నాయి. ఈ సినిమాకి అనిరుధ్ సంగీతం అందిస్తున్నాడు.

విజయ్ కోసం శివ కార్తికేయన్ ఎలాంటి పాటలు రాస్తున్నారో అంటూ ఇప్పుడు అభిమానులు ఉత్సాహంగా ఉన్నారు. పూజా హెగ్డే ఇందులో హీరోయిన్ గా నటిస్తోంది. వచ్చే ఏడాది ప్రారంభంలో ఈ సినిమా ప్రేక్షకుల ముందుకు రావచ్చు. మరోవైపు జాతి రత్నాలు ఫేమ్ కెవి అనుదీప్ దర్శకత్వం వహించిన ఒక ఆసక్తికరమైన చిత్రంతో శివ కార్తిక్యాన్ త్వరలో తెలుగులో అడుగుపెట్టబోతున్నాడు. ఇక ద‌ళ‌ప‌తి విజ‌య్ తెలుగు ద‌ర్శ‌కుడు వంశీ ప‌యిడిప‌ల్లి ద‌ర్శ‌క‌త్వంలో న‌టించ‌నున్న సంగ‌తి తెలిసిన‌దే.