సిక్స్ ప్యాక్ బ్యాండ్ తో బాద్ షా

సిక్స్ ప్యాక్ బ్యాండ్ అంటూ.. తొలిసారిగా ఇండియాలో హిజ్రాలు ఓ మ్యూజిక్ బ్యాండ్ ను ప్రారంభించారు. అందరూ హిజ్రాలే ఉండే ఈ మ్యూజిక్ గ్రూప్.. ఇప్పటివరకూ తమకు ఉన్న అడ్డంకులను ఛేజించి ఎదుగుతున్నారు. ఇప్పటికే వీరు ఓ సింగిల్ ను రిలీజ్ చేయగా... దీనికి యూట్యూబ్ లో దాదాపు 20లక్షలకు పైగా వ్యూస్ వచ్చాయి. దేశంలోనే తొలి ట్రాన్స్ జెండర్ మ్యూజిక్ గ్రూప్.. ఇప్పుడు అంచెలంచెలుగా ఎదుగుతున్నారు. వీరికి ఆదరణతో పాటు, అభిమానులు కూడా పెరుగుతున్నారు. స్టార్ హీరోలు, సెలబ్రిటీలు ఈ హిజ్రా గ్రూప్ ను అభినందిస్తూ తమ ప్రోత్సాహం ఇస్తున్నారు. సోను నిగమ్ కూడా వీరితో కలిసి ఓ ఆల్బమ్ నటించడం విశేషం.

ఇప్పుడు బాలీవుడ్ కింగ్ ఖాన్ షారూక్ తో కలిసి ఈ సిక్స్ ప్యాక్ బ్యాండ్ సందడి చేసింది. ప్రతీ ఒక్కరినీ దగ్గరికి తీసుకుని తన అభినందనలు చెప్పిన షారూక్.. అందరి ప్రశంసలు అందుకున్నాడు. వీరంతా కలిసి ఫ్యాన్స్ సినిమాలోని ఓ పాటను పాడితే.. తర్వాత మళ్లీ అడిగి పాడించుకుని మరీ, వాళ్లతో కలిసి స్టెప్పులేశాడు షారూక్ ఖాన్.

తమను మనుషుల్లాగే చూడడం లేదని వాపోయే హిజ్రాలు.. ఇలా సమాజంలోని మేటి వ్యక్తుల నుంచి వస్తున్న ప్రోత్సాహం చూసి చాలా ఆనందంగా ఉందని చెబ్తున్నారు సిక్స్ ప్యాక్ బ్యాడ్. అలాగే.. వీరిని ఇంతగా ఆదరించిన షారూక్ ఖాన్ కి కూడా సోషల్ మీడియాలో బోలెడన్ని ప్రశంసలు వస్తున్నాయి.